राष्ट्रीय महामार्ग क्रमांक 53 वर नागपूरहून मुंबईकडे भरधाव वेगात जाणाऱ्या अज्ञात वाहनाच्या धडकेत एका पादचाऱ्याचा घटनास्थळी मृत्यू झाल्याची दुर्दैवी घटना घडली आहे. हा अपघात 18 जानेवारी (रविवारी) संध्याकाळी सहा ते सात वाजेच्या सुमारास मलकापूर शहराजवळ घडला होता. अपघातानंतर वाहनचालक घटनास्थळावरून पसार झाला. त्यामुळे महामार्गावर काही काळ तणावाचे वातावरण निर्माण झाले होते.

Nashik Accident News : भल्यापहाटे ट्रॅव्हल्स-पिकअपची समोरासमोर जोरदार धडक; साखरझोपेत चौघांचा जागीच करुण अंत

घरी आल्यानंतर पुन्हा बाहेर पडले

या घटनेमध्ये मलकापूर शहरातील लक्ष्मीनगर परिसरात राहणारे अनिल एकनाथ मालठाणे (वय वर्ष 45) यांचं मृत्यू झाला आहे. अनिल मालठाणे हे एका खाजगी कंपनीत कार्यरत होते. सायंकाळी ते कामावरून घरी परतले . दिवसाभराचा कामाचा ताण त्यातून हलकासा विरंगुळा म्हणून पुन्हा घराबाहेर पडले . त्यावेळी राष्ट्रीय महामार्ग क्रमांक 53 वर पायी चालू लागले.

त्यावेळी रस्ता ओलांडत असताना त्यांना नागपूर-मुंबईकडे भरधाव वेगात जाणाऱ्या एका अज्ञात वाहनाने जोरदार धडक दिली. धडकेची तीव्रता इतकी होती की अनिल हे पंधरा ते वीस फूट हवेत उडून पुन्हा रस्त्यावर कोसळले .यामध्ये त्यांच्या डोक्याला गंभीर दुखापत होऊन मोठ्या प्रमाणात रक्तस्त्राव झाला आणि घटनास्थळ वर त्यांचा मृत्यू झाला.

Alibaug Accident : कट मारल्यानं नियंत्रण सुटलं, भरधाव बाईक बसला धडकली, आई-वडिलांसमोर लेकीचा अंत; नातेवाईकांचा हंबरडा

या अपघातानंतर बराच वेळ महामार्गावरील वाहतूक विस्कळीत झाली .घटनेची माहिती मिळताच लक्ष्मी नगर परिसरातील नागरिकांनी घटनास्थळी धाव घेतली. मृतदेह उपजिल्हा रुग्णालयात हलविण्यात आला. दरम्यान ही घटना महामार्गावरील सीसीटी कॅमेऱ्यात कैद झाल्याची माहिती मिळाली असून, पोलिसांनी अज्ञात वाहनचालकाचा शोध सुरू केला आहे. काही नागरिकांनी दुसऱ्या टोल नाक्यावर वाहनांची सखोल चौकशी करण्याची मागणी केली आहे. मृताच्या पश्चात पत्नी व दोन मुली असा परिवार आहे मनमिळाव स्वभावाचे परिचित असलेल्या मालठाने यांच्या अकाली निधनाने लक्षमीनगर परिसरात शोककळा पसरली असून नागरिकांमध्ये तीव्र संताप व्यक्त केला जात आहे.