नेमकी घटना काय?

पुणे, मुंबई आणि छत्रपती संभाजीनगर येथील तीन महिलांसह एकूण 10 पर्यटक शनिवारी सकाळी कुमशेत जवळील आजोबा पर्वतावर चढाईसाठी आले होते. त्यांच्यासोबत साम्रद आणि कुमशेत येथील स्थानिक गाईडही होते. दिवसभर उत्साहात डोंगर चढून त्यांनी वाल्मीक ऋषी आश्रमाला भेट दिली आणि निसर्गाचा आनंद लुटला. मात्र, परतीच्या प्रवासात अंधार झाल्याने आणि डोंगराचा कडा उतरताना भीती वाटल्याने यातील काही वयस्कर आणि लहान सदस्यांचे मनोबल खचले.Nashik Accident News : भल्यापहाटे ट्रॅव्हल्स-पिकअपची समोरासमोर जोरदार धडक; साखरझोपेत चौघांचा जागीच करुण अंत

सैन्यदलाशी संपर्क

डोंगराच्या कड्यावर अडकल्याची जाणीव होताच, घाबरलेल्या पर्यटकांपैकी एकाने सैन्यदलात कार्यरत असलेल्या आपल्या मित्राशी संपर्क साधला आणि परिस्थितीचे गांभीर्य सांगून चक्क ‘हेलिकॉप्टर’ची मागणी केली. सैन्यदलाने तातडीने राजूर पोलीस आणि वन्यजीव विभागाला या घटनेची कल्पना दिली.

रात्रभर डोंगरावर ‘जागता पहारा’

घटनेचे गांभीर्य ओळखून वनक्षेत्रपाल प्रतिभा सोनवणे आणि राजूर पोलीस ठाण्याचे सहाय्यक पोलीस निरीक्षक किशोर पवार आपल्या पथकासह तातडीने घटनास्थळी रवाना झाले. सोबत स्थानिक ग्रामस्थ आणि रेस्क्यू टीमला घेऊन त्यांनी रात्रभर पर्यटकांच्या जवळ राहून त्यांना धीर दिला. पहाट होताच अतिशय काळजीपूर्वक या सर्वांना पर्वताच्या पायथ्याशी सुखरूप आणण्यात आले. रेस्क्यू करण्यात आलेले पर्यटकांची नावं पार्थ पोहनकर, रेवती हिरडे, शंतनु घाणेकर, शुभदा घाणेकर, स्वानंद घाणेकर, श्रीकर घाणेकर, आदित्य पोहनकर, रेवा पोहनकर, सुनील देशपांडे आणि श्रीकांत लेलंगेकर अशी आहेत.