नागपूर महापालिकेच्या नेहरू नगर झोन अंतर्गत बुधवार बाजार परिसरात रविवारी सकाळी सिद्धार्थ घोडके हे कर्तव्यावर तैनात होते. ए.जी. एन्व्हिरो प्रा. लि. या खासगी कंपनीकडून चालवण्यात येणाऱ्या कचरा गाडीवर ते सफाई कामगार म्हणून कार्यरत होते. कचरा उचलण्याचे काम सुरू असताना गाडीच्या हायड्रोलिक प्रणालीत बिघाड झाल्याने कचऱ्याचा डाला अचानक सुटला आणि थेट सिद्धार्थ यांच्या अंगावर कोसळला. यात त्यांच्या डोक्याला जबर मार बसला आणि ते कचऱ्याच्या ढिगाऱ्याखाली दबले गेले.
Beed Crime: वरिष्ठ जीएसटी अधिकारी कारमध्ये मृतावस्थेत आढळले, 24 तासांपासून होते बेपत्ता, बीडमध्ये खळबळ
घटना घडताच सहकाऱ्यांनी तात्काळ त्यांना बाहेर काढून मेडिकल कॉलेजच्या ट्रॉमा सेंटरमध्ये दाखल केले. मात्र उपचारादरम्यान डॉक्टरांनी त्यांना मृत घोषित केले. या घटनेने सफाई कामगारांमध्ये तीव्र संतापाची लाट उसळली आहे. सिद्धार्थ घोडके यांच्या पश्चात आई, पत्नी आणि दोन अल्पवयीन मुली असा परिवार आहे. कुटुंबाचा एकमेव कमावता आधार हरपल्याने त्यांच्या कुटुंबावर दुःखाचा डोंगर कोसळला आहे.

कामगार संघटना आणि नातेवाईकांनी ए.जी. एन्व्हिरो प्रा. लि. कंपनीवर गंभीर आरोप केले आहेत. कंपनीकडे असलेल्या अनेक कचरा गाड्यांचा विमा नसल्याचा तसेच गाड्यांमध्ये वारंवार तांत्रिक बिघाड होत असल्याच्या तक्रारी आधीही करण्यात आल्याचे सांगण्यात आले. विशेषतः संबंधित गाडीच्या हायड्रोलिक प्रणालीबाबत तक्रारी असूनही कंपनीने त्याकडे दुर्लक्ष केल्याचा आरोप आहे. हायड्रोलिक खराब झाल्यामुळे दुरुस्ती करत असतानाच डाला कोसळल्याने हा अपघात झाल्याचे आंदोलकांचे म्हणणे आहे.
Kolhapur Accident: कोल्हापुरात प्रसुतीनंतर डिस्चार्ज घेऊन घरी जाताना अपघात, बाळंतीणचा मृत्यू, सात दिवसांचं बाळ जखमी, PI ची तडकाफडकी बदली
या घटनेनंतर संतप्त कामगार, संघटना आणि मृताच्या नातेवाईकांनी सक्करदरा पोलीस ठाण्यात ठिय्या आंदोलन केले. मृत्यूला कंपनीची थेट निष्काळजीपणा कारणीभूत असल्याने ए.जी. एन्व्हिरो प्रा. लि. विरोधात सदोष मनुष्यवधाचा गुन्हा दाखल करण्यात यावा, अशी मागणी करण्यात आली आहे. तसेच मृताच्या कुटुंबाला तात्काळ २५ लाख रुपयांची आर्थिक मदत देण्यात यावी आणि पत्नीला नोकरी देण्यात यावी, अशी ठोस मागणी आंदोलकांनी लावून धरली आहे. प्रशासनाने या प्रकरणाची तातडीने दखल घ्यावी, अशी मागणीही करण्यात येत आहे.