प्रभाग क्र. १७३ मधून भाजप-शिवसेना-रिपाइं या महायुतीने जागा शिवसेनेसाठी जागा सोडली होती. त्यामुळे माजी नगरसेवक रामदास कांबळे यांच्या पत्नी पूजा कांबळे यांना उमेदवारी दिली. तर शिवसेना उबाठा-मनसेकडून प्रणिता वाघधरेही निवडणुकीत उतरल्या. विशेष म्हणजे केळुस्करांना ९ हजारांहून जास्त मतं मिळाली, तर वाघधरेंना ७ हजारांच्या घरात मतं आहेत. तर शिवसेनेच्या पूजा कांबळेंना अवघी ४ हजारांच्या आसपास मतं आहेत.

नेमकं काय झालं होतं?

या प्रभागातून भाजपने आधी केळुस्कर यांना आधी एबी फॉर्म दिला होता. त्यानंतर महायुतीला जागा गेल्यानंतर हा प्रभाग शिवसेनेला सोडत त्यांनी कांबळे यांना उमेदवारी दिली. उमेदवारी गेल्याने केळुसकर यांनी एबी फॉर्मची रंगीत झेरॉक्स काढली आणि उमेदवारी अर्ज भरला.

ही बाब लक्षात येताच मुंबई भाजप अध्यक्ष अमित साटम यांनी निवडणूक आयोगाला पत्र धाडले आणि त्यांचा अर्ज व एबी फॉर्म ग्राह्य धरू नये, अशी विनंती केली होती. तरीही आयोगाने अर्ज ग्राह्य धरला. केळुस्कर कमळ चिन्हावरच विजयी झाल्या आहेत.
BMC Election 2026 : शिवसेनेला नाकारुन भाजपचा महापौर, शिंदेंनी काय मिळवलं? ठाकरेंच्या शिलेदाराचे सात घणाघाती प्रश्न, तिसरा सवाल थेट…
प्रचारादरम्यान केळुसकर यांच्या कार्यकर्त्यांनी शिवसेना उमेदवारांना ‘५० खोके एकदम ओके’च्या घोषण देत डिवचले होते. या गोंधळानंतरही केळुसकरांचा विजय झाला. त्यामुळे भाजपबरोबरच शिवसेनेलाही धक्का मानला जातो.

भाजपच्या उमेदवार शिल्पा केळुस्कर यांनी बंडखोरी करत पक्षाच्या एबी फॉर्मची रंगीत छायांकित प्रत जोडून उमेदवारी अर्ज भरल्याने त्यांच्याविरोधात शीव पोलिस ठाण्यात गुन्हा दाखल झाला होता तरी, मुंबई उच्च न्यायालयात याबाबत प्रतिस्पर्धी उमेदवाराला तातडीचा दिलासा मिळू शकलेला नव्हता.
BMC Election 2026 : …तर मुंबईत ठाकरेंनी भाजपला जेरीस आणलं असतं, तो ‘हात’ ठरला असता मदतीचा, मग कसा बदलला खेळ?
शिवसेनेच्या पूजा कांबळे यांनी केलेल्या याचिकेवर मुख्य न्यायमूर्ती श्री चंद्रशेखर यांच्या नेतृत्वाखालील खंडपीठाने बुधवारी प्रतिवादींना नोटीस जारी केली. मात्र, पुढील सुनावणीसाठी ११ फेब्रुवारीची तारीख दिली. त्यामुळे १५ जानेवारीच्या मतदानापूर्वी कांबळे यांना दिलासा मिळण्याची शक्यता दुरापास्त झाली.