महाजनांसाठी बोरा बनले ‘हनुमान’
नाशिक महापालिका निवडणुकीत तिकीटवाटप ते प्रचारादरम्यान भाजपचे शहर उपाध्यक्ष नीलेश बोरा यांना भाजपमधूनच टार्गेट करण्यात आले होते. महाजनांचे अंत्यत विश्वासू शिलेदार असलेल्या बोरांनी पक्षांतर्गत विरोधकांना अंगावर घेतानाच, महाजनांच्या पाठीशी खंभीरपणे उभे राहत सर्व सूत्रे हाती घेतली. निवडणुकीत प्रचाराचे सुयोग्य नियोजन करताना मतदान केद्रावरील बूथ यंत्रणा यशस्वीपणे लावली. भाजप विरोधात वातावरण असतानाही महाजनांच्या खांद्याला खांदा लावून महाजनांसाठी ‘हनुमाना’ची भूमिका निभावली. भाजपला नुसते बहुमताजवळ नेऊन ठेवले नाही तर, ७२ हा जादुई आकडा गाठून देण्यात बोरांनी महत्त्वाची भूमिका बजावली.भाजपला अजून १० ते १५ जागा मिळायला हव्या होत्या. तरीही आम्हाला ७२ जागा मिळाल्याने सर्व नाशिककर, भाजप कार्यकर्ते आणि पदाधिकाऱ्यांचे आभार व्यक्त करतो. नाशिककरांना दिलेले आश्वासन आम्ही पूर्ण करू. –गिरीश महाजन, कुंभमेळामंत्री