Nashik Municipal Election 2026: शहरातील बहुतांश मतदान केंद्रांवर ‘मार्करची शाई’ लावण्यावरून कर्मचाऱ्यांमध्ये संभ्रम असल्याचे उघड झाले. शहरातील अनेक मतदारांच्या उजव्या हाताच्या तर्जनीवर शाई लावण्यात आली आहे.
निवडणूक आयोगाच्या नियमानुसार मतदानावेळी मतदारांच्या डाव्या हाताच्या तर्जनीवर शाई लावण्यात येते. त्या बोटाला इजा झाली असल्यास उजव्या हाताच्या तर्जनीचा वापर केला जाऊ शकतो. दिव्यांग बांधवांबाबतही इतर नियम आहे. मात्र, सुस्थित असलेल्या मतदारांनाही कर्मचाऱ्यांनी डाव्याऐवजी उजव्या बोटाच्या तर्जनीवर शाई लावल्याने आश्चर्य व्यक्त झाले.
Nashik Election 2026: हम भी किसीसे कम नहीं…! तब्बल 140 तृतीयपंथींनी एकत्र येत बजावला मतहक्क
दरम्यान, एका मतदान केंद्रावर सकाळी ७ वाजून ५० मिनिटांनी एका मतदाराच्या उजव्या तर्जनीवर कर्मचाऱ्याने मार्करने शाई लावली. त्यावेळी ‘सर, डाव्या बोटांवर शाई लावतात ना’, असा प्रश्न मतदाराने केला. तेव्हा ‘नाही, उजवे बोट दाखवा’, असे म्हणत कर्मचाऱ्याने शाई लावून मतदानास जाण्यास सांगितले. हा ‘किस्सा’ शहरातील आनंदवल्लीसह इतर भागातील मतदान केंद्रांवरील घडल्याने कर्मचाऱ्यांना व्यवस्थित प्रशिक्षित केले नाही का, हा प्रश्न उपस्थित झाला. गंभीर म्हणजे, डाव्या तर्जनीला शाई लावण्याचा नियम प्रचलित असताना कर्मचाऱ्यांनी ही चूक का केली असेल, असेही मतदारांनी विचारले.
‘ कंट्रोल युनिट सील होईना…’
सकाळी ७.३० वाजता मतदार खोलीबाहेर रांगा लावून उभे होते. त्यावेळी प्रभाग २६ मधील नवजीवन हायस्कूलच्या एका खोलीत केंद्र कर्मचाऱ्यांनी ‘कंट्रोल युनिट सील’ करण्याची प्रक्रिया सुरू केली. ‘अद्याप मतदान सुरू झाले नाही का’, असा प्रश्न मतदाराने विचाराल्यावर त्याकडे फक्त बघून महिला व पुरुष कर्मचाऱ्यांनी त्यांचे काम सुरूच ठेवले.Nashik Election 2026: ‘दुबई’ वॉर्डात खुलेआम पैशांचा बोलबाला! आचारसंहिता, नियम झिडकारले; रात्री उशिरापर्यंत मतदान प्रक्रिया
‘ईव्हीएम’ मध्ये मतदान केल्यानंतर ‘कंट्रोल युनिट’ वर त्याची नोंद होते. हे ‘युनिट’ बूथवरील कर्मचाऱ्यांसमोर असते. मात्र, हे ‘युनिट’ नेमके कसे ‘सील’ करायचे हेच त्यांना ठाऊक नव्हते. त्यापैकी एका कर्मचाऱ्याने मोबाइलमध्ये ‘व्हिडीओ’ सुरू करून युनिट सील करण्याचा प्रयत्न केला. केंद्रप्रमुखांपैकी दोनजण तेथे पोहोचल्यावर त्यांनीही मदत केली. त्यामध्ये तब्बल १५ मिनिटे वाया घालविल्यानंतर दिलगिरी न व्यक्त करता ७.४५ वाजता खुच्र्यांवर कर्मचारी बसले. तेव्हा मतदार स्वतःहून पुढे सरकल्यावर मतदानाला सुरुवात झाली. तेव्हाही कर्मचाऱ्यांना प्रशिक्षित केले नव्हते का, हा प्रश्न उपस्थित झाला.
बोगस मतदानासाठी गाडी भरुन महिला आणल्या, मतदान केंद्रावरच राडा; नेमकं काय घडलं?
मध्य प्रदेशातील ‘ईव्हीएम’ ?
एका मतदान केंद्रात असलेल्या ‘ईव्हीएम’वर मध्यप्रदेश निवडणूक निर्वाचन आयोग असा उल्लेख होता. एका निवृत्त प्राध्यापकाने मतदान केल्यानंतर तेथील कर्मचाऱ्यांना त्यासंदर्भात विचारणा केली. ‘अहो, महाराष्ट्रात निवडणूक होत असताना, मध्य प्रदेश असा उल्लेख का…’, असे मतदाराने विचारल्यानंतर कर्मचाऱ्यांनी त्यांच्या शंकेचे समाधान केले. परंतु, हा ‘किस्सा’ मतदान केंद्रात बराचवेळ चर्चिला गेला
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा