संवेदनशील केंद्रांवर जलद प्रतिसाद पथके (क्विक रिस्पॉन्स टीम), विशेष गस्त पथके आणि वरिष्ठ अधिकाऱ्यांची थेट देखरेख असणार आहे. शहरातील सर्व घडामोडींवर नियंत्रण ठेवण्यासाठी गुन्हे शाखेची स्वतंत्र पथकेही कार्यरत असतील.

निवडणूक काळात गैरप्रकार रोखण्यासाठी स्थिर व फिरती तपासणी पथके; तसेच व्हिडिओ चित्रीकरण करणारी विशेष पथके कार्यान्वित करण्यात आली आहेत. आचारसंहिता कालावधीत आतापर्यंत प्रतिबंधात्मक कारवाया करण्यात आल्या असून, अवैध रोकड, दारू आणि अमली पदार्थांवर कारवाई करण्यात आली आहे. पैशांचे वा वस्तूंचे वाटप करून मतदारांना प्रभावित करण्याच्या प्रकरणांवर पोलिसांची विशेष नजर आहे. बेकायदा शस्त्र बाळगणाऱ्या सराईत गुन्हेगारांविरोधात कडक कारवाई करून पिस्तुले, काडतुसे आणि धारदार शस्त्रे जप्त करण्यात आली आहेत.
Election News: ‘ती’ नोट दाखवा अन् पैसे न्या! खासदार पुत्रावर पैसे वाटपाचा गंभीर आरोप; पिंपरी-चिंचवडमध्ये युतीतच जुंपली, काय घडलं?
पुणे महापालिका निवडणूक बंदोबस्त
१४ पोलिस उपायुक्त
३० सहायक आयुक्त
७ परिविक्षाधीन सहायक आयुक्त
४ एसआरपीएफ तुकड्या
३,२५० होमगार्ड
७२३ सहायक निरीक्षक / उपनिरीक्षक
१२,५०० पोलिस कर्मचारी
१६६ पोलिस निरीक्षक

निवडणूक काळातील शस्त्र कारवाई
१५ अग्निशस्त्रे व १५ काडतुसे जप्त
२९ धारदार शस्त्रे जप्त
३,२९४ परवाना धारकांची पिस्तुले जमा
सर्वेलन्स पथके
१८ स्थिर सर्वेलन्स पथके
१५ फिरती सर्वेलन्स पथके
१५ व्हिडिओ सर्वेलन्स पथके
‘तो’ जीवाच्या आकांतानं धावला, पण टोळक्यानं गाठलंच; पोलीस ठाण्यासमोरच कार्यकर्त्यावर जीवघेणा हल्ला
पिंपरी-चिंचवडमध्ये सहा हजार पोलिस
पिंपरी : पिंपरी-चिंचवड महापालिका निवडणुकीचे मतदान शांततेत पार पडण्यासाठी पोलिसांनी तगडा बंदोबस्त तैनात केला आहे. सह पोलिस आयुक्त, दोन अपर पोलिस आयुक्त, आठ पोलिस उपायुक्त, विविध पथकांच्या कंपन्यांसह सहा हजार ९१ पोलिस सज्ज असणार आहेत. आचारसंहिता लागू झाल्यापासून आजपर्यंत ९६२ जणांवर प्रतिबंधात्मक कारवाई करण्यात आली आहे. ५० उपद्रवींना हद्दपार करण्यात आले आहे. तर, गुंडगिरी प्रवृत्तीच्या ४३८ जणांना पिंपरी-चिंचवड हद्दीबाहेर जाण्याचा आदेश दिला आहे. परवानाधारकांची १३०६ पिस्तुले जमा केली आहेत. निवडणुकीच्या दृष्टीने सर्व तयारी पूर्ण झाली आहे. निवडणूक ही निर्भय वातावरण, निःपक्षपाती, शांतता व सुरळीत पार पाडण्यासाठी पोलिस आयुक्तालय सुसज्ज आहे. पोलिसांना येणाऱ्या प्रत्येक कॉलची गांभीर्याने दखल घेतली जाईल; तसेच सर्व नागरिक, कार्यकर्ते यांनी नियमांचे पालन करून पोलिस व प्रशासनाला सहकार्य र करावे, असे आवाहन पोलिस आयुक्त विनयकुमार चौबे यांनी केले आहे.