सुदैवाने तलवारीचा वार चुकला…

शिवाजी भालेरावहे मागील अनेक वर्षापासून काँग्रेस पक्षात सक्रिय आहेत. प्रभाग क्रमांक एकमधून काँग्रेसने शिवाजी भालेराव यांच्या पत्नी सारिका भालेराव यांना निवडणुकीच्या रिंगणात उतरवलं आहे. या प्रभागात भाजप, शिवसेना शिंदे गट आणि काँग्रेस-वंचित आघाडी अशी तिरंगी लढत आहे. काल मंगळवारी सायंकाळी प्रचार संपल्यानंतर उमेदवाराचे पती शिवाजी भालेराव हे आपल्या मित्रासोबत थांबले होते. याचदरम्यान दुचाकीवर आलेल्या अज्ञात हल्लेखोरांनी तलवारीने हल्ला करण्याचा प्रयत्न केला, सुदैवाने तलवारीचा वार चुकवल्याने ते बचावले.

Mumbai Crime : सिगारेटवरुन दोघांमध्ये वाद, भांडण सोडवायला काका गेले, भररस्त्यात पेटवले; मुंबईतील घटनेनं सर्व हादरले

शिवाजी भालेराव काय म्हणाले?

दरम्यान, ‘निवडणुकीत विरोधात भाषण का केलं, तू प्रचार कसा करतोस, तुझा बियाणी करतो. उद्या प्रचाराला कसा निघतोस, तुझा बियाणी करून टाकू. सीसीटीव्ही फुटेजमध्ये त्यांच्या तलवारी दिसताय. कसा तू उद्या बाहेर निघतोस आणि मतदान करतोस’, अशी धमकी दिली. मला पोलीस प्रशासनावर पूर्ण भरवसा आहे. आमच्या गरीब उमेदवाराला न्याय द्या. मी एक कार्यकर्ता आहे, प्रत्येकाच्या सुख दु:खात सोबत धावून जाणारा व्यक्ती आहे. जर खुर्ची आडवी केली नसती तर माझी मुंडी उडाली असती’, असं शिवाजी भालेराव यांनी यांनी सांगितलं.

Pune Politics : पुण्यात रवींद्र धंगेकरांनी मतदानाआधी फोडला मोठा बॉम्ब, भाजप महिला उमेदवाराच्या पतीचा डान्सबारमधील Video व्हायरल, आमदाराचा फोटोही पोस्ट

घटनेची माहिती मिळताच पोलिसांनी घटनास्थळी धाव घेतली. योग्य तपास करून न्याय द्यावा, अशी विनंती काँग्रेस शिवाजी भालेराव यांनी पोलिसांकडे केलीये. या प्रकरणाचा तपास भाग्यनगर पोलीस करत आहेत. दरम्यान, घटना समजताच काँग्रेस खासदार रवींद्र चव्हाण यांनी कार्यकर्त्याची भेट घेतली. राजकीय हेतूने हल्ला झाल्याचं चव्हाण यांनी सांगितलं. नांदेडमध्ये वाढत चालेल्या गुन्हेगारीच्या घटनेवर त्यांनी नाराजी व्यक्त करत या घटनेतील हल्लेखोरांवर कडक कारवाई करण्याची त्यानी मागणी केली आहे. दरम्यान, मतदानापूर्वी घडलेल्या या घटनेनं राजकीय वर्तुळात खळबळ उडाली आहे.