नेमकं प्रकरण काय?

मुलाच्या मृत्यूनंतर सुनेला मिळणारे एलआयसीचे पैसे व जमिनीचा हक्क तिला मिळू नये, या उद्देशाने सासर्‍यानेच दोन जणांना सुपारी देऊन सुनेला मारण्याचा प्रयत्न केला. ही घटना गोरेगाव पोलिसांनी केलेल्या तपासातून उघडकीस आली. चुडामन कटरे रा. गिधाडी ता. गोरेगाव असं सासरा असलेल्या आरोपीचं नाव आहे. याप्रकरणी पोलिसांनी एका आरोपीला अटक केली असून त्याचं नाव पोलिसांनी सांगितलं नाहीय. पोलिसांनी दिलेल्या माहितीनुसार महिला फिर्यादी अश्विनी कटरे ह्या आपल्या वडीलांसह गोरेगाववरून चिल्हाटी मार्गे स्वगावी गिधाडी येथे दुचाकीने जात असताना घोटी येथील नाल्याजवळ एका निळ्या रंगाच्या चारचाकी वाहनाने त्यांच्या दुचाकीला धडक दिली.
Kolhapur Crime: माजी सरपंचाच्या प्रकरणाला गंभीर वळण; बेपत्ता झाल्यानंतर जवळच्या जंगलात हाडांचे अवशेष सापडले, नेमकं काय घडलं?या घटनेमध्ये त्या जखमी झाल्या. याप्रकरणी त्यांच्या तक्रारीवरून गोरेगाव पोलीस ठाण्यात गुन्हा नोंद करण्यात आला होता. दरम्यान, सदर गुन्हाच्या तपासामध्ये तांत्रिक पुरावे व गुप्त माहितीदारांकडून मिळालेल्या माहितीच्या आधारे अश्विनीचा पती उमेश कटरे यांच्या मृत्यूपश्चात मिळणारे एलआयसीचे 60 लाख रुपये व जमीन तिला मिळू नये. या उद्देशाने तिचा सासरा आरोपी चुडामन कटरे याने सदर गुन्ह्यातील आरोपी यांना तिला जीवे मारण्यासाठी तीन लाख रुपयाची सुपारी देऊन अपघात घडवून आणल्याचं निष्पन्न झालं. दरम्यान, गोरेगाव पोलिसांनी याप्रकरणी एका आरोपीला अटक केली असून गुह्यातील इतर आरोपी फरार असल्याचे पोलिसांकडून सांगण्यात आलं आहे.
Kalyan Crime : 21 वर्षीय Air Hostess ने राहत्या घरात आयुष्य संपवलं, मोबाईलध्ये धक्कादायक पुरावे; कल्याण हादरलं

कधी घडली घटना?

गोरेगाव पोलीस ठाण्यांतर्गत ग्राम गिधाडी येथील हे प्रकरण असून 19 नोव्हेंबर 2025 रोजी हा अपघात घडविण्यात आला होता. प्रकरणाच्या तपासादरम्यान तांत्रिक पुरावे व गुप्त माहितीदारांच्या आधारे चुडामन कटरे याने इतर आरोपींना तीन लाख रुपयांची सुपारी देऊन हा अपघात घडवून आणल्याचा धक्कादायक प्रकार उघडकीस आला.