शिंदे साहेबांचा मला फोन आला होता. जळगावात काय करायचं, अशी विचारणा त्यांनी केली. नगरसेवक फुटू शकतात का, असं एकनाथ शिंदे यांनी मला विचारलं. मी होकारार्थी उत्तर दिलं. त्यावर शिंदे यांनी किती नगरसेवक फुटू शकतात, असा प्रश्न केला. त्यावर २७, २८ ते ३० नगरसेवक फुटू शकतात, असं मी शिंदे यांनी सांगितलं. तुम्ही जितकी पाकिटं द्याल, तितके नगरसेवक फुटू शकतात, असं मी शिंदे यांना कॉलवर सांगितलं.
फ्रेंडली फाईट, वातावरण टाईट! शिंदेंच्या होमपीचवर राडा; भाजप उमेदवाराच्या पतीवर प्राणघातक हल्ला
‘इकडे बाजार भरलाय. साताऱ्यात एका ठिकाणी गाढवांचा बाजार भरतो. तसा जळगावात नगरसेवकांचा बाजार भरलाय, असं मी शिंदेंना सांगितलं. त्यांना पुढे इतकंच म्हटलं, कोणाला काही सांगू नका. गुलाबराव पाटील यांना तर अजिबात काही सांगू नका. त्यांचे आणि सुरेश दादा जैन यांचे संबंध चांगले आहेत. त्यामुळे गुलाबरावांना काहीच सांगू नका, असं मी शिंदे यांना म्हणालो आणि हा किस्सा त्यांच्या माझ्यातच राहिला,’ असं खडसे यांनी सभेत सांगितलं. हा किस्सा गेल्या पंचवार्षिकचा असल्याचं खडसे म्हणाले.
अरे किती खोटं बोलाल? राज ठाकरेंनी भरसभेत फडणवीस, अन्नामलाईंचा VIDEOच दाखवला, पार्श्वसंगीतही खास
२०१८ मध्ये जळगावमध्ये महापालिका निवडणूक झाली. त्या निवडणुकीत भाजप नं बाजी मारली. राज्यात सत्तेवर असलेल्या भाजपनं ७५ पैकी ५७ जागा जिंकल्या. त्यावेळी राज्यात मराठा आरक्षण, शेतकरी कर्जमाफी, बेरोजगारी असे मुद्दे तापलेले होते. पण जळगावात धक्कादायक निकाल लागला. भाजप पाठोपाठ शिवसेनेला १५ जागा मिळाल्या. तर एमआयएमनं ३ जागा जिंकल्या. जळगाव महापालिकेत तब्बल ४० वर्ष सुरेश जैन यांचं वर्चस्व होतं. त्या वर्चस्वाला भाजपन सुरुंग लावला आणि एकहाती सत्ता मिळवली. या पराजयानं सुरेश जैन राजकारणात बॅकफूटला गेले.