अंबरनाथ नगर परिषदेत शिंदेसेनेला सर्वाधिक २७ जागा मिळाल्या. त्या खालोखाल जागा भाजपला मिळाल्या. त्यांना १४ जागांवर समाधान मानावं लागलं. काँग्रेसनं १२, राष्ट्रवादी काँग्रेसनं ४ जागांवर बाजी मारली. तर नगराध्यक्षपद भाजपनं जिंकलं. नगराध्यक्ष पदाच्या निवडणुकीत भाजपच्या तेजश्री करंजुले पाटील विजयी झाल्या. यानंतर सर्वाधिक जागा जिंकणाऱ्या शिंदेसेनेला सत्तेपासून दूर ठेवण्यासाठी भाजपनं हालचाली सुरु केल्या.
भाजप-MIMचे सूर पुनश्च जळले, युतीचे धागे पुन्हा विणले; पाच जणांचा पाठिंबा अन् गेम झाला
भाजपनं थेट काँग्रेसशी युती केली. राष्ट्रवादी काँग्रेसला सोबत घेतलं आणि बहुमताचा आकडा गाठल्याचा दावा केला. पण त्यानंतर अवघ्या २४ तासांमध्ये काँग्रेसनं सगळेच्या सगळे १२ नगरसेवक निलंबित केले. भाजपनं दुसऱ्याच दिवशी या नगरसेवकांचा पक्षप्रवेश आटोपला. सत्ता स्थापनेचा दावा केला. सत्ता स्थापन करण्यासाठी आवश्यक संख्याबळ असल्याचा भाजपचा दावा होता.

शिंदेसेनेकडून सत्ता, उपनगराध्यक्षपद गेल्यात जमा असताना उपमुख्यमंत्री एकनाथ शिंदे यांचे खासदार पुत्र श्रीकांत यांनी सुत्रं फिरवली. त्यांनी राष्ट्रवादी काँग्रेसच्या नगरसेवकांना आपल्याकडे खेचलं. त्यामुळे शिंदेसेनेचं संख्याबळ ३२ वर गेलं. बहुमताचा आकडा गाठण्यात यश मिळालं. विशेष म्हणजे भाजपला सत्तेपासून दूर राखण्यासाठी शिंदेसेनेनं अवघे ४ नगरसेवक असलेल्या सदाशिव पाटील यांना उमेदवारी दिली.
लेक है तो सेफ है! शिंदेंच्या पुत्राचा भाजपला धोबीपछाड; हायव्होल्टेज निवडणुकीत जोरदार धक्का
भाजप-शिंदेसेनेची युती झाली असती, तर राष्ट्रवादीच्या हाती काहीच लागलं नसतं. पण दोन मोठ्या पक्षांमध्ये जुंपल्यानं राष्ट्रवादी काँग्रेस लाभार्थी ठरली. संख्याबळाच्या दृष्टीनं राष्ट्रवादीला अनन्यसाधारण महत्त्व असल्यानं शिंदेसेनेनं त्यांना उपनगराध्यक्ष पदाची ऑफर दिली. उपनगराध्यक्ष पदाची निवडणूक आज झाली. त्यात राष्ट्रवादीच्या सदाशिव पाटील यांनी ३२ मतं घेतली. त्यांनी प्रतिस्पर्धी उमेदवाराचा ४ मतांनी पराभव केला.