युगेंद्र पवार नेमकं काय म्हणाले?

“दिवंगत उपमुख्यमंत्री अजित पवार हयात असतानाची परिस्थिती वेगळी होती. सध्याची परिस्थिती वेगळी आहे. या दोन्ही परिस्थितीमध्ये जमीन-आसमानाचा फरक आहे. दादा होते तेव्हा दोन्ही पक्ष एकत्र येण्यासंबंधीच्या चर्चा सुरू होत्या. त्यावेळी राष्ट्रवादी काँग्रेस हा पक्ष एक होणार होता. या पक्षाचे संपूर्ण नेतृत्व अजितदादांकडेच जाणार होते. मात्र आता विलीनीकरणावर बोलण्यासाठी मी खूप छोटा कार्यकर्ता आहे. परंतु सध्या तरी या चर्चा थांबल्या आहेत. वरिष्ठ पातळीवर काही चर्चा सुरू असेल तर त्याची माहिती मला नाही”, अशी भूमिका राष्ट्रवादी काँग्रेस शरचंद्र पवार पक्षाचे युवा नेते युगेंद्र पवार यांनी मांडली.

Shiv Sena Case : चिन्हाचा विषय तेव्हा राजकीय पक्षच महत्त्वाचा, सुप्रीम कोर्टाची मोठी टिपण्णी, सुनावणी उत्कंठावर्धक वळणावर

माळेगाव साखर कारखान्याच्या निवडणुकीवर भाष्य

बारामतीत आज इच्छुक उमेदवारांच्या मुलाखती युगेंद्र पवार यांनी घेतल्या. यानंतर पार पडलेल्या पत्रकार परिषदेमध्ये ते बोलत होते. युगेंद्र पुढे म्हणाले, “माळेगाव सहकारी साखर कारखान्याच्या निवडणुकीवेळी तुमचे उमेदवार घेतो असे आम्हाला सांगण्यात आले होते. मात्र तसे झाले नाही. शेवटच्या काही क्षणांमध्ये आम्हाला आमचे पॅनल उभे करावे लागले. परंतु सध्याची परिस्थिती वेगळी आहे. सुरुवातीपासूनच कार्यकर्ते आणि पदाधिकाऱ्यांची स्वतंत्र पॅनल देऊन निवडणूक लढवावी अशी भावना आहे.”

“या निवडणुकीमध्ये खासदार सुप्रिया सुळे आणि आमदार रोहित पवार देखील लक्ष घालतील. सर्वच वरिष्ठ नेते आम्हाला ताकद देतील, असा विश्वास आहे. ज्येष्ठ नेते शरद पवार यांना आम्ही कारखाना कार्यक्षेत्रांमध्ये एखादी प्रचार सभा घ्यावी, अशी विनंती करणार आहोत”, अशी माहिती युगेंद्र पवार यांनी दिली.

Aaditya Thackeray : दिशा सालियन प्रकरणावर आदित्य ठाकरे यांनी पहिल्यांदाच मौन सोडलं, म्हणाले, चारित्र्यहनन करण्याच्या हेतूने नाव जोडण्याचा प्रयत्न

निवडणुकीत कुणासोबत मैत्री करणार?

“सध्या तरी कोणाकडूनही युती अथवा आघाडीचा प्रस्ताव आला नाही. तसा प्रस्ताव आला तर त्यावर विचार करू. मात्र सध्या आम्ही निवडणूक लढवण्यावर ठाम आहोत. आणखीन बराच कालावधी आहे. या दरम्यान काय घडते ते पाहूया”, असं युगेंद्र पवार म्हणाले. दरम्यान, कारखाना कार्यक्षेत्रातील विविध गटांमधील १३० ते १४० इच्छुक उमेदवारांनी मुलाखती दिल्या आहे.

Santosh Pandit Bail : कोर्टात जोरदार युक्तिवाद, अखेर संतोष पंडित यांना जामीन मंजूर; पुणे सत्र न्यायालयाचा निर्णय

युगेंद्र पवार आणखी काय म्हणाले?

“सोमेश्वर सहकारी साखर कारखान्याची निवडणूक आम्ही स्वबळावर लढणार आहोत. सध्या तरी आमच्यासमोर युती अथवा आघाडीचा कोणताही प्रस्ताव आलेला नाही. या निवडणुकीमध्ये आम्ही शरद पवारांना एखादी प्रचार सभा घेण्याची विनंती करणार आहोत. तसेच आमदार रोहित पवार व खासदार सुप्रिया सुळे हे देखील या निवडणुकीमध्ये निश्चित मदत करतील”, असं युगेंद्र पवार म्हणाले.