आज काल देवेंद्र फडणवीस यांना काय झालंय ते कळत नाही. आला तेव्हा चांगला वाटायचा तो माणूस आता आतापर्यंत बरा वाटायचा. पण आता त्यांना काय झालंय, कळायला मार्ग नाही, असं म्हणत राज ठाकरेंनी फडणवीस यांना लक्ष्य केलं. मुंबई महाराष्ट्राचा काही संबंध नाही, असं ती रसमलाई ( भाजप नेते अण्णामलाई यांचा खोचक उल्लेख) म्हणाली. तो स्वत: सांगतोय की मुंबई आणि महाराष्ट्राचा काही संबंध नाहीए. तरीही फडणवीस म्हणताहेत, तो असं काही बोललाच नाही. त्याचा तो अर्थच होत नाही म्हणे. मला असं वाटायचं की फडणवीसांना इंग्रजी कळतं. पण खोटं बोलत राहायचं. सतत खोटं बोललं की ते खरं होईल, असं त्यांना वाटतं. पण तसं होणार नाही. मला आताच सकाळी कोणीतरी त्यांची क्लिप पाठवली, असं राज ठाकरे यांनी सभेत सांगितलं. यानंतर त्यांनी लाव रे तो व्हिडीओ म्हटलं आणि फडणवीस आणि अण्णामलाई यांचा व्हिडीओ सुरु झाला.
दोघांचं भांडण, तिसऱ्याचा लाभ; शिंदे, भाजपच्या वादात NCPची चांदी; दादांनी साधली अचूक संधी
या व्हिडीओमध्ये अण्णामलाई मुंबई महाराष्ट्राचं शहर नाही, असं इंग्रजीत अगदी स्पष्टपणे म्हणताना दिसत आहे. तर फडणवीस त्यावर सारवासारव करताना पाहायला मिळत आहेत. ‘त्यानं असं कुठे म्हटलंय? असं नाहीए ते. त्यांनी म्हटलंय, मुंबई हे आंतरराष्ट्रीय शहर आहे आणि ते खरंच आहे. त्यात काय वाईट आहे? मुंबई महाराष्ट्राची नाही असं बिल्कुल नाही म्हटलेलं. नाही, नाही तसा त्याचा अर्थच होत नाही, अशा शब्दांत फडणवीस अण्णामलाई यांची बाजू सावरुन घेताना व्हिडीओत दिसत आहेत. या व्हिडीओला ‘गोलमाल’ गाण्याचं पार्श्वसंगीत आहे.
मी मुंबईत येतोय, माझे पाय…; राज ठाकरेंना भाजपच्या अण्णामलाई यांचं ओपन चॅलेंज, वाद पेटणार
व्हिडीओ दाखवून झाल्यावर राज ठाकरेंनी मुख्यमंत्री फडणवीसांचा पुन्हा एकदा समाचार घेतला. तो बोलतोय मुंबई महाराष्ट्राची नाही. तरी हे म्हणतात, तो तसं बोललाच नाही. त्याचा अर्थ तसा होतच नाही. अरे किती खोटं बोलायचं? काही मर्यादा? कोणासाठी करताय तुम्ही? कशासाठी करताय?, असे सवाल राज यांनी उपस्थित केले.