‘पायलट थगवाल’ भारतीय बनावटीचे ॲप

जेएनपीए बंदराने मागील वर्षी 1 कोटी 10 लाख कंटेनर हाताळणीची क्षमता गाठली. त्यापाठोपाठ बंदराने 2025 या कॅलेंडर वर्षात एकूण 79 लाख कंटेनरची हाताळणी केली. त्यात जवळपास 10 टक्क्यांची वाढ आहे. यानुसार बंदरावर कार्गो घेऊन येणाऱ्या मालवाहू जहाजांचा आकडादेखील वाढत आहे. त्या पार्श्वभूमीवर ‘पायलट थगवाल’ हे ॲप महत्त्वाचे ठरणार आहे.
Palghar News : 4200 कोटींचं कंत्राट, शहरापासून 20 किमीवर उभारलं जातंय मोठं बंदर; पण कांदळवन बाधित होणार; आता मंजुरी रखडली

प्रत्येक जहाजाची माहिती, मार्ग ‘रिअल टाइम’ दिसणार

बंदरावर जहाज येताना त्यांना निश्चित केलेल्या मार्गानेच पोहोचावे लागते. जेएनपीएवर जहाजांची ये-जा अधिक असल्याने हे मार्ग त्यांना नियंत्रण कक्षातून दाखविले जातात. आता ‘पायलट थगवाल’ मुळे मात्र नियंत्रण कक्षाला प्रत्येक जहाजाची माहिती व ते निवडत असलेला मार्ग ‘रिअल टाइम’ पद्धतीने दिसू शकेल. यासाठी जहाजांना प्रत्यक्ष सूचना देण्याऐवजी स्वयंचलित पद्धतीने मार्ग दाखवता येणार आहे.

जहाज बंदर परिसरात आल्यानंतर त्यांना प्रत्यक्ष जेट्टीपर्यंत आणण्याचे काम करणाऱ्यांना ‘पायलट’ संबोधले जाते. या ॲपमध्ये कोणत्या जहाजावर कोणता ‘पायलट’ आहे, तो जहाजात कधी चढला तसेच त्याने निवडलेला मार्ग, ही माहितीही हे ॲप जेएनपीए नियंत्रण कक्षाला स्वयंचलित पद्धतीने देईल. यामुळे जहाजांचे वेळापत्रक स्वयंचलित पद्धतीने तयार होऊन वाहतूक कोंडी टाळता येणे शक्य होईल, असे जेएनपीएने म्हटले आहे.’पायलट थगवाल’ हे ॲप पूर्णपणे भारतीय आहे. राष्ट्रीय तंत्रज्ञान केंद्राने ते तयार केलेले आहे. या ॲपमुळे जेएनपीएला स्वत:ची स्वतंत्र ‘एकात्मिक जहाज वाहतूक प्रणाली’ही विकसित करता आली आहे.