नेमकं काय घडलं?
मंगल भागीया कोरी (वय ५०, रा. कापला वस्ती, इमामवाडा) असे मृताचे नाव असून, रोहन चावरिया (वय ३४), रोहित चावरिया (वय ३२), कुंदन चव्हाण (वय ४९, सर्व रा. कापला वस्ती, इमामवाडा) अशी या प्रकरणातील आरोपींची नावे आहेत. प्राप्त माहिती माहितीनुसार, मंगल कोरी हे मजूर होते. शनिवारी रात्री ते घरी असताना, तिथे रोहन, रोहित आणि कुंदन तिघेही दारू पिऊन आले. मंगल यांच्या घरासमोर उभे राहून शिवीगाळ करू लागले. यावरून मंगल यांनी या तिघांना हटकले. यावरून मंगल यांचा कुंदनशी वाद झाला. दरम्यान, तिथे मंगल यांचा मुलगा शुभम आला. त्याने मध्यस्थी केली असता कुंदनने मंगल यांना झापड मारली.

Nagpur Election: …तर घरावर बुलडोजर चालणार; असदुद्दीन ओवैसींनी मुस्लिम समुदायाला केलं अलर्ट, असं का म्हणाले?
आपल्या वडिलांवर हात उचलल्याने शुभमने कुंदनच्या कानशिलात लगावली. यामुळे हा वाद वाढला. रोहनने शुभमला मारण्यासाठी घरातून लाकडी दांडा आणला. त्याने तो शुभमला मारण्याचा प्रयत्न केला असता, वडील मंगल खाली वाकले. यामुळे दांडा त्यांच्या डोक्याला लागल्याने जबर दुखापत झाली. त्यांना उपचारासाठी मेडिकलमध्ये नेले असता, डॉक्टरांनी त्यांना तपासून मृत घोषित केले.

Nagpur Crime: प्रेमसंबंधातून टोकाची हिंसा; नागपुरात भरदिवसा अल्पवयीन बहीण-भावावर प्राणघातक हल्ला, आरोपी पोलिसांच्या ताब्यात, काय घडलं?
ही माहिती इमामवाडा पोलिसांना मिळताच, वरिष्ठ पोलिस निरीक्षक जयवंत पाटील यांनी गुन्हा दाखल केला. रोहन, रोहित आणि कुंदन या तिघांनाही तत्काळ अटक करण्यात आली.