मटणाचा मुद्दा तापला

आता या वादात राष्ट्रवादीचे प्रदेशाध्यक्ष सुनील तटकरे यांनी उडी घेतली आहे. आज रविवारी चौफाळा भागात राष्ट्रवादी उमेदवारांच्या प्रचारासाठी आयोजित जाहीर सभेत बोलताना त्यांनी अशोक चव्हाण यांना टोमणा मारला. ‘एक नाही, दोन किलो मटण पाठवा, पण त्यांना घरी बसवा,’ असा टोमणा मारत त्यांनी भाजपवर जोरदार टीका केली. नांदेड महापालिका निवडणुकीच्या प्रचारात मटणाचा मुद्दा चांगलाच चर्चेचा विषय ठरत आहे.
Jalgaon Politics : जळगावचं राजकारण फार वेगळ्या वळणावर, ठाकरेच नाही, तर शिंदेंच्या शिवसेनेची डोकेदुखी वाढली

‘रोज खा मटण, भाजपचं दाबा बटन’

तरोडा भागात झालेल्या भाजपच्या जाहीर सभेत माजी मुख्यमंत्री अशोक चव्हाण यांनी ‘रोज खा मटण, भाजपचं दाबा बटन’, असं वक्तव्य केलं होतं. महसूल मंत्री चंद्रशेखर बावनकुळे यांच्या उपस्थितीत चव्हाण यांनी हे अजब विधान केलं होतं. त्यांच्या या विधानावर सुनील तटकरे यांनी चांगलाच समाचार घेतला आहे. ‘त्यांना एक किलो काय, दोन किलो मटन पाठवा, आणि घरी बसवा’, असं टोमणा मारलाय.
Eknath Shinde: दत्तक घेणाऱ्यांनी काय केले? नाशकात एकनाथ शिंदेंची तुफान फटकेबाजी, ठाकरे बंधूंसह फडणवीसांवर निशाणा

सुनील तटकरे काय म्हणाले?

मी शाखाहारी माणूस आहे. परंतु त्यांना एक किलो काय, दोन किलो मटन पाठवा, आणि घरी बसवा. राष्ट्रवादी काँग्रेसच्या माध्यमातून या शहराचा चेहरा मोहरा बदलण्याचं काम आम्ही करणार आहोत. इथल्या नेतृत्वाची ताकद वाढवायची आहे, असं सुनील तटकरे यावेळी म्हणाले. दरम्यान, आमदार प्रताप पाटील चिखलीकर यांनी देखील मटणाच्या विधानावरून चव्हाणांना घेरलं. ‘अशोक चव्हाणांनी मतदारांची किंमत मटणाबरोबर केली आहे. मतदारांनी स्वाभिमान जागृत करून भाजपला घरी बसवा’, असं आवाहन केलं. आहे.