भाजपने नाशिक महापालिकेची निवडणूक स्वबळावर लढविण्याचा निर्णय घेतला. ११५ जागांवर भाजपचे उमेदवार असून ‘एबी’ फॉर्मच्या घोळामुळे ३ अपक्ष उमेदवारांना पुरस्कृत करण्याची वेळ भाजपवर आली. २०१७मधील महापालिका निवडणुकीच्या प्रचारसभेत मुख्यमंत्री फडणवीस यांनी नाशिकला दत्तक घेण्याची घोषणा केली होती. यानंतर निओ मेट्रो, आयटी पार्क, लॉजिस्टिक पार्क, नाशिक-पुणे हायस्पीड रेल्वे, क्रीडा प्रबोधिनी, नाशिकरोड-द्वारका दत्तमंदिर डबलडेकर उड्डाणपूल आदी प्रकल्पांच्या घोषणा केल्या. परंतु यापैकी एकही योजना प्रत्यक्षात उतरू शकली नाही. यावरून ठाकरे बंधूंनी हुतात्मा अनंत कान्हेरे मैदानावरील जाहीर सभेतून भाजपसह मुख्यमंत्री फडणवीस यांना लक्ष्य केले.

Nashik News: जीवघेण्या थंडीचा पहिला बळी; निफाडमध्ये कडाक्याच्या थंडीने 22 वर्षीय तरुणाचा मृत्यू, परिसरात हळहळ
‘दत्तक बाप’ नाशिककडे फिरकलाच नसल्याची जळजळीत टीका करताना भाजप उपटसुंभ्यांचा पक्ष असल्याचा आरोप त्यांनी केला. नाशिकच्या अस्मितेचा विषय असलेल्या सिंहस्थ कुंभमेळ्यासाठी राज्य सरकारकडून कोट्यवधींचा निधी मंजूर झाला आहे. जागतिक दर्जाच्या सोयी-सुविधा उभारण्याचे मुख्यमंत्र्यांनी आश्वासन दिले आहे. त्या अनुषंगाने फडणवीस यांच्याकडून महाकुंभाची संकल्पना मांडली जाण्याची शक्यता आहे.

Nashik Election: भाजपचे नाशिकमध्ये ‘डॅमेज कंट्रोल’; गिरीश महाजनांचा तीन दिवसांपासून शहरात तळ
गिरीश महाजनांची व्यूहरचना
नाशिकमध्ये ‘शंभर प्लस’ जागा निवडून आणण्यासाठी तळ ठोकून असलेल्या कुंभमेळा मंत्री गिरीश महाजन यांनी सभा यशस्वी करण्यासाठी व्यूहरचना आखली आहे. ठाकरे बंधू, उपमुख्यमंत्री एकनाथ शिंदे यांच्या सभांनंतर भाजपसमोरही भव्य सभा घेण्याचे आव्हान आहे. त्यामुळे महाजन यांनी मुख्यमंत्र्यांच्या सभास्थळाची गोदाघाटावर जाऊन पाहणी केली. सभेच्या नियोजनासंदर्भात पक्ष पदाधिकाऱ्यांना सूचना दिल्या. मुख्यमंत्र्यांची ही सभा विजयी सभा ठरावी, यासाठी महाजन यांच्याकडून व्यूहरचना आखली जात आहे.