शहर पोलिसांच्या पथकांनी लष्करी छावणीच्या प्रवेशद्वारासमोर असलेल्या कॅथे कॉलनीत टाकलेल्या छाप्यात ‘अॅम्फेटामाइन’ नावाचा चोवीस लाखांचा अमली पदार्थ जप्त केले आहेत. त्याप्रकरणी तिघांना अटक केली असून, न्यायालयाने त्यांना पोलिस कोठडी सुनावली आहे. त्यांनी लष्करात ड्रग्जचा पुरवठा केल्याचा संशय असून पुढील तपास सुरू आहे.

देवळाली कॅम्प पोलिस ठाण्यातील अंमलदार राजेंद्र गुंजाळ यांनी यासंदर्भात फिर्याद दिली आहे. त्यानुसार मुन्ना कल्लु कोल (वय ४०), शांती मुन्ना कोल (३३), अमर मुन्ना कोल (१९, सर्व रा. सतना, मध्यप्रदेश) अशी संशयितांची नावे आहेत. हे सर्वजण मजूर असून काही महिन्यांपासून देवळाली कॅम्प पोलिस ांच्या हद्दीत वास्तव्यास आहेत. गुरुवारी (दि. ८) पहाटे पाच वाजेच्या सुमारास देवळाली कॅम्प पोलिस व अमली पदार्थ विरोधी पथकाने (एनडीपीएस) छापा टाकला. त्यावेळी कोल याच्या लेबर रूममध्ये गांजा आणि ‘अॅम्फेटामाइन’ या अमली पदार्थांचा साठा आढळून आला. त्यांनी पांढऱ्या रंगाच्या चौकोनी आकारातील कागदात ‘अॅम्फेटामाइन’ हा पदार्थ गुंढाळून ठेवला होता. देवळाली कॅम्पचे वरिष्ठ पोलिस निरीक्षक श्रीनिवास देशमुख यांच्या पथकासह ‘एनडीपीएस’ने ही कारवाई केली आहे.

Nashik Accident: भरधाव वाहन ठरले ‘काळ’! साक्री- शिर्डी महामार्गावरील अपघातात दाम्पत्याचा करुण अंत, घटनेनं हळहळ
…असा लागला छडा
लष्करी छावणीच्या प्रवेशद्वारासमोरच अमली पदार्थांच्या साठा आढळल्याने खळबळ उडाली आहे. हे अमली पदार्थ लष्करी छावणी परिसरातील काही जवानांपर्यंत पोहोचल्याचे समोर येत आहे. लष्करातील व्यक्तिंना हे पदार्थ पोहोचल्याचे समजल्यानंतर सैन्यातील काही अधिकाऱ्यांनी पोलिसांना त्यासंदर्भात कळवले. त्यानुसार पोलिसांनी परिसरात गोपनीय माहिती संकलित करुन संशयितांभोवती सापळा रचून ही कारवाई केली. या नशेच्या बाजारातून अद्याप कोणताही गंभीर स्वरुपाचा प्रकार लष्करात घडला नसल्याचे कळते. मात्र, लष्करी यंत्रणांपर्यंत नशेचा विळखा पोहोचल्याने यंत्रणादेखील सतर्क झाल्या आहेत.

Nashik Accident : शिर्डीहून साईंचं दर्शन घेऊन परतताना काळाची झडप, दोन्ही कारची जोरदार धडक; चौघांचा जागीच करुण अंत
‘अॅम्फेटामाइन’ म्हणजे काय ?
‘अॅम्फेटामाइन’ हे उत्तेजक औषध किंवा उत्तेजक द्रवपदार्थ म्हणून ओळखला जातो. त्याचा मध्यवर्ती मज्जासंस्थेवर परिणाम होऊन सतर्कता आणि ऊर्जा वाढवते. मात्र, त्याच्या गैरवापरामुळे व्यसन आणि गंभीर आरोग्य समस्या उद्भवू शकतात.