पुणे महापालिका निवडणुकीच्या आखाड्यात स्वबळावर उतरलेल्या महायुतीतील शिवसेना, राष्ट्रवादी काँग्रेस तसेच भारतीय जनता पक्षाकडून ‘मुख्यमंत्री माझी लाडकी बहीण’ ही कल्याणकारी योजना प्रचाराच्या केंद्रस्थानी ठेवण्यात येत आहे. मात्र, आता लाडक्या बहिणींना कधी पैसे मिळणार, किती रक्कम मिळणार याचे पोस्टरही समाज माध्यमांवर व्हायरल करण्यात येत असल्याने हा आचारसंहितेचा थेट भंग होत असल्याची दावा विरोधकांकडून करण्यात येत आहे.

Prithviraj Chavan: घोषणा करुन पैसे काढायचे अन् धूळफेक करायची; भाजपच्या धोरणांवर पृथ्वीराज चव्हाणांची टीकामहापालिका निवडणुकीसाठी १५ जानेवारी रोजी मतदान आहे. तर, महायुतीतील दोन घटकपक्षांच्या उमेदवारांकडून त्यांच्या समाजमाध्यमांच्या अकाऊंटवरून येत्या १४ जानेवारीपूर्वी लाडक्या बहिणींच्या बँक खात्यात तीन हजार रुपये जमा होणार असल्याचा दावा करण्यात येत आहे. सरकारकडून मकरसंक्रातींच्या दिवशी निधी वितरित करण्यात आला तर या घटनेमुळे नेमकी कोणावर ‘संक्रात’ येणार अशी कुजबूज राजकीय वर्तुळात सुरू झाली आहे.

Ajit Pawar: दादा हे 'रॉकी भाई', रोहित पवार काय म्हणाले? राष्ट्रवादीच्या फुटीनंतर अडीच वर्षांनी पहिल्यांदाच काका-पुतण्या एकाच मंचावरभाजप, शिवसेना आणि राष्ट्रवादी काँग्रेस पुणे महापालिकेत एकमेकांसमोर किमान ११७ जागांवर लढत आहे. त्यामुळे सत्ताधारीच सरकारी योजनेचा राजकीय लाभ घेण्यासाठी एकमेकांसमोर कुरघोडी करत असल्याने चित्र निर्माण झाले आहे .