माहीम प्रभाग क्रमांक १९० मधील मनसेचे माजी नगरसेवक वीरेंद्र तांडेल यांनी पक्षाला जय महाराष्ट्र केला आहे.मनसे अध्यक्ष राज ठाकरे यांना पत्र लिहून वीरेंद्र तांडेल यांनी राजीनामा दिला.माहीममधील मनसेच्या संघटनात्मक कामात अपमानास्पद वागणूक दिली जात असल्याचा आरोप तांडेल यांनी केला.स्थानिक पातळीवर एकजूट आणि संघ भावनेचा अभाव असल्याचं तांडेल म्हणाले.पक्षाची विचारधारा व्यवस्थापनात दिसत नाही त्यामुळे नाराज असल्याचं वीरेंद्र तांडेल यांनी सांगितलं.