Mumbai AC Localमध्ये फुकट्यांचा सुळसुळाट, वर्षभरात 97% वाढ; दररोज 330 विनातिकीट प्रवाशांकडून किती कोटींचा दंड वसूल?

उपनगरीय आणि लांब पल्ल्यांच्या रेल्वेगाड्यांतून विनातिकीट प्रवास करणाऱ्यांवर वचक ठेवण्यासाठी पश्चिम रेल्वेकडून विशेष तपासणी सुरू आहे. एप्रिल ते डिसेंबर २०२४ दरम्यान विनातिकीट आणि अयोग्य तिकीट असलेल्या प्रवाशांकडून १५५ कोटी ४६ लाख रुपयांचा दंड वसूल करण्यात आला आहे. गेल्या वर्षीच्या तुलनेत यात ४९ टक्क्यांची वाढ झाली आहे. वातानुकूलित लोकलमधील फुकट्यांच्या संख्येत ९७ टक्क्यांची वाढ नोंदवण्यात आली आहे. पश्चिम रेल्वेवरील एसी लोकल गाड्या तीव्र तिकीट तपासणी मोहिमांचे प्रमुख केंद्र बनल्या आहेत, जिथे दररोज सरासरी ३३० विनातिकीट प्रवासी पकडले जात आहेत.