सवलत आणि कॅशबॅक ऑफर

डिजिटल पेमेंट मोडमधून RailOne ॲपद्वारे अनारक्षित तिकिटं बुक करणाऱ्या प्रवाशांना 14 जानेवारी ते 14 जुलै 2016 पर्यंत खास सवलत मिळणार आहे. RailOne मधून तिकीट काढणाऱ्यांना 3 टक्के सूट मिळेल. पण हे तिकीट किंवा पास काढताना कोणत्याही ऑनलाइन पेमेंट ॲपचा वाप करता येणार नाही. 3 टक्के सूट मिळवण्यासाठी RailOne ॲपच्या आर-वॉलेटद्वारे पेमेंट करावं लागेल. याच ऑनलाइन मोडद्वारे पेमेंट केल्यानंतर 3 टक्के कॅशबॅक मिळेल. ही ऑफर केवळ अनारक्षित तिकिट बुकिंगसाठी लागू आहे. पुढील सहा महिने ही सवलत देण्यात येणार आहे.
Local Train : मुंबईकरांसाठी आनंदाची बातमी, आता 18 डब्ब्यांची लोकल धावणार? विरार ते डहाणू रोडवर….
सध्या यूटीएस अ‍ॅप वापरणाऱ्या प्रवाशांना लोकल ट्रेनचा पास यूटीएस अ‍ॅपमधून काढता येत नाही. पण आता एकाच ऑनलाइन प्लॅटफॉर्मवर विविध सेवांचा लाभ घेता यावा आणि कोणत्याही समस्येशिवाय प्रवाशांना तिकिटं तसंच पास काढणं सुरू ठेवण्यासाठी यूटीएसमधून रेलवन अ‍ॅपमध्ये स्थलांतर करण्याचं आवाहन करण्यात आलं आहे. यूटीएस अ‍ॅपमधून RailOne मध्ये स्थलांतर होताना युजर्सला अधिकृत मार्गदर्शनात दाखवल्याप्रमाणे सोप्या स्टेप्सद्वारे क्रेडेन्शियल्स वापरता येतील.

सर्व रेल्वे सेवांसाठी ऑल-इन-वन प्लॅटफॉर्म

RailOne App हे ऑल-इन-वन प्लॅटफॉर्म म्हणून काम करतं. या अ‍ॅपमधून आरक्षित आणि अनारक्षित तिकीट बुकिंग, प्लॅटफॉर्म तिकिट, रिअल-टाइम ट्रेन अपडेट्स, कोच पोझिशन डिटेल्स, पीएनआर स्टेटस, फूड ऑर्डरिंग, रिफंड, रेल मदत सपोर्ट अशा सर्व सुविधा मिळतात. प्रवाशांना लोकल किंवा मेलमधून प्रवास करताना चांगल्या सुविधा देणं हा यामागचा रेल्वेचा उद्देश आहे. अँड्रॉइड आणि आयओएस दोन्ही प्लॅटफॉर्मवर रेलवन ॲप डाउनलोड करता येणार आहे.

RailOne App च्या अधिकाधिक प्रचारासाठी, अ‍ॅप डाऊनलोड करण्यासाठी क्यूआर कोड स्टेशनवरही देण्यात आले आहेत. शिवाय 139 या टोल फ्री हेल्पलाइनवर ॲपशी संबंधित प्रवाशांच्या शंकांचं निरसन करण्यासाठी कर्मचाऱ्यांना प्रशिक्षित करण्यात आलं आहे. रेल्वे अधिकाऱ्यांनी प्रवाशांना, यूटीएस युजर्सला आता RailOne App वर स्विच होण्याचं, या ॲपचा जास्तीत जास्त वापर करण्याचं आणि कॅशबॅक आणि सवलतीचा, ऑफरचा लाभ घेण्याचं आवाहन केलं आहे.