छत्रपती संभाजीनगरातीलआकाशवाणी ते त्रिमूर्ती चौक परिसरात ( Chhatrapati Sambhajinagar Tenz Saree Centre) मकरसंक्रांतीनिमित्त साड्यांवर मोठ्या सवलती जाहीर करण्यात आल्या होत्या. यामुळे महिलांची प्रचंड गर्दी जमली. विशेषतः, ५ हजार रुपयांची साडी केवळ ५९९ रुपयांत मिळत असल्याने सुमारे हजारो महिलांनी दुकानांवर अक्षरशः झुंबड घातली. Crime News: बारावीच्या विद्यार्थ्याला विकली स्पोर्ट्स बाईक, 5 महिने पैसे दिले नाही म्हणून भररस्त्यात मुलाला… थरारक Video समोर

या गर्दीमुळे परिसरात चेंगराचेंगरीची परिस्थिती निर्माण झाली. या गोंधळात तीन महिला बेशुद्ध पडल्या. तसेच, काही लहान मुले आपल्या पालकांपासून दुरावली. परिस्थिती हाताबाहेर जात असल्याचे पाहून पोलिसांनी तातडीने हस्तक्षेप केला. त्यांनी Chhatrapati Sambhajinagar Tenz Saree Centre तात्काळ बंद करण्याचे आदेश दिले. पोलिसांनी वेळीच कारवाई केल्यामुळे संभाव्य मोठा अनर्थ टळला. यामुळे नागरिकांनी सुटकेचा निश्वास सोडला.

Pune Crime: हातपाय चिकटपट्टीने बांधले अन् पाळण्याच्या दोरीने…; 2 वर्षीय लेकीला संपवून आईनेही संपवलं आयुष्य, धक्कादायक कारण समोर

दरम्यान, या घटनेमुळे सणासुदीच्या काळात अशा मोठ्या सवलतींच्या जाहिराती करताना सुरक्षिततेची योग्य खबरदारी घेणे किती आवश्यक आहे, याबाबत चर्चा सुरू झाली आहे. गर्दी नियंत्रणासाठी पुरेसा सुरक्षा बंदोबस्त, रांगा, प्रवेश-निर्गमन व्यवस्था नसल्याने हा गोंधळ झाल्याचा आरोप नागरिकांकडून करण्यात येत आहे. काही महिलांना किरकोळ दुखापती झाल्याचेही सांगण्यात येत आहे. पोलिसांनी हरवलेल्या मुलांना शोधून त्यांच्या पालकांच्या ताब्यात दिले. प्रशासनाने भविष्यात अशा ऑफरपूर्वी योग्य नियोजन करण्याचे निर्देश दिले असून दुकानदारांनाही जबाबदारीने वागण्याचे आवाहन करण्यात आले आहे.