मात्र, आता पुढील काही दिवस सिद्धिविनायक मंदिर भाविकांच्या दर्शनासाठी बंद राहणार आहे. त्यामुळे भाविकांनी याची नोंद घ्यावी आणि मंदिर कधीपर्यंत बंद राहणार आहे, याची माहिती जाणून घ्यावी. श्री सिद्धिविनायक गणपती मंदिर ट्रस्टने 7 जानेवारी ते 12 जानेवारी या कालावधीत सिद्धिविनायक मंदिराच्या गाभाऱ्यातील दर्शन बंद ठेवण्यात येणार असल्याची माहिती दिली आहे. या काळात मंदिराचा गाभारा सलग पाच दिवस बंद राहणार असल्याचे अधिकृत निवेदनात स्पष्ट करण्यात आले आहे.

Mumbai Local: प्रवाशांसाठी महत्त्वाची बातमी; एक्स्प्रेस आणि लोकल गाड्यांच्याही वेळांमध्ये बदल, कोणत्या मार्गावर नवे वेळापत्रक?

दादरमधील प्रतिष्ठित श्री सिद्धिविनायक मंदिरात दर्शनासाठी दररोज हजारोंच्या संख्येने भाविक उपस्थित राहतात. त्यामुळे श्रींच्या मूर्तीला सिंदूर लेपन करण्याच्या वार्षिक विधीसाठी दर्शन पाच दिवस बंद ठेवण्यात येणार आहे. दुरून येणाऱ्या भाविकांची गैरसोय होऊ नये, यासाठी ट्रस्टकडून ही अधिकृत अधिसूचना जाहीर करण्यात आली आहे.

मुंबईतील सर्वात श्रीमंत मंदिरांपैकी एक असलेले हे श्री सिद्धिविनायक मंदिर मूळतः लक्ष्मण विठू आणि देऊबाई पाटील यांनी 19 नोव्हेंबर 1809 रोजी बांधले होते. तेव्हापासून मुंबई शहरासह देश-विदेशातून भाविक मोठ्या श्रद्धेने सिद्धिविनायक मंदिरात दर्शनासाठी येत असतात. त्यामुळे भाविकांनी मंदिर बंद असण्याबाबतची ही माहिती लक्षात घेणे आवश्यक आहे.

Republic Day Parade Tickets: आता फक्त 20 रुपयांत पाहता येणार प्रजासत्ताक दिनाची भव्य परेड, आजपासून विक्री सुरू; कसा घ्याल लाभ?

दरम्यान, मूर्तीला सिंदूर लेपन करण्याचे काम सुरू असताना, म्हणजेच या पाच दिवसांच्या कालावधीत आलेल्या भाविकांना दर्शन न घेता परत जावे लागू नये, यासाठी श्रींच्या प्रत्यक्ष मूर्तीऐवजी फक्त श्रींच्या प्रतिमेचे दर्शन दिले जाणार आहे. त्यानंतर 12 जानेवारी रोजी दुपारी1वाजता श्रींच्या मूर्तीची पूजा करण्यात येईल. यानंतरच भाविकांना पुन्हा श्रींचे प्रत्यक्ष दर्शन घेता येणार आहे.