नेमकी घटना काय?

सांगलीच्या मिरजमधील टाकळीमध्ये एका उसाच्या शेतात महिलेचा छिन्नविच्छिन्न अवस्थेत मृतदेह सापडला होता. याचा तपास करीत असताना मृतदेहाच्याशेजारी काही अंतरावर पोलिसांना रेल्वे तिकीट सापडले होते. महिलेची पूर्णतः ओळख पटलेली नसताना देखील केवळ रेल्वे तिकिटाच्या आधारावर सांगली गुन्हे शाखेने या हत्येचा छडा लावला आहे. उत्तर प्रदेश येथील जौनपूर येथे राहणारे मयत महिला नीतू उर्फ शालिनी यादव हिचा दुसरा पती आकाश उर्फ विशाल दीनदयाळ यादव व तिचा सासरा दिनदयाळ रामबाली यादव या दोघांनी मिळून तिची हत्या केल्याचं समोर आलं आहे.
Palghar News: शाळेच्या मॅरेथॉन स्पर्धेत तिसरा नंबर, पण विजयाचा आनंद साजरा करण्याआधीच 15 वर्षीय रोशनीचा मृत्यू, काय घडलं?

दुसऱ्या राज्यातून आणून महाराष्ट्रात हत्या

मयत महिला नीतू उर्फ शालिनी ही पहिल्या पतीपासून विभक्त झाली होती. त्यानंतर उत्तर प्रदेशमधील जौनपूर येथील आकाश उर्फ विशाल याच्यासोबत तिची ओळख झाली होती. त्यानंतर दोघांनी कुटुंबाला याची कल्पना न देता विवाह केला होता. यानंतर कुटुंबामध्ये वारंवार होणाऱ्या वादातून महिलेनं दुसऱ्या पतिविरोधात पोलीस तक्रार केली होती. याचा राग आकाश उर्फ विशाल याच्या मनात होता.
Chhatrapati Sambhajinagar: दिवसभर काम करून दुचाकीवरून घरी निघाले, अंधारात समोरून बैलगाडी आली अन्… 21 वर्षीय तरुणांचा भीषण अपघात

पत्नीकडून वारंवार होणारा त्रास तसेच तिच्या चारित्र्याला वैतागलेल्या आकाश उर्फ विशाल याने वडील दीनदयाळ यांना सोबत घेऊन तिला उत्तर प्रदेशमधील जौनपूर येथून 16 डिसेंबर 2025 रोजी सांगलीच्या मिरजमधील टाकळी येथे रेल्वेने आणले. त्यानंतर शॉलने तिचा गळा आवळून हत्या करून पुन्हा रेल्वेने उत्तर प्रदेशला पलयन केलं होतं. घटनास्थळी सापडलेल्या केवळ रेल्वे तिकिटावरून व मिरज रेल्वे स्टेशनबाहेर चिक्की विक्रेत्याकडे केलेल्या आर्थिक व्यवहारावरून माग काढत स्थानिक गुन्हे शाखेने आकाश उर्फ विशाल याला हरियाणामधून तर दिनदयाळ यादव याला उत्तरप्रदेश मधून अटक केलीय आहे.