‘बाबा गेला…मला माझे पप्पा आणून द्या’

अमित ठाकरेंनी बाळासाहेब सरवदे कुटुंबियांची भेट घेत सांत्वन करण्याचा प्रयत्न केला. बाळासाहेब सरवदे यांच्या पत्नी व दोन लहान मुलींनी अमित ठाकरेंसमोर टाहो फोडला. अमित ठाकरेंसमोर बाळासाहेब सरवदे यांच्या दोन चिमुकल्या मुलींनी ‘बाबा गेला…मला माझे पप्पा आणून द्या, मी काही नाही केलंलं पप्पाला, का गेला सोडून’, असा टाहो फोडला. अमित ठाकरेंना देखील अश्रू अनावर झाले. हे भावूक क्षण पाहून बाळासाहेब सरवदेच्या कुटुंबातील सर्वच जणांचे डोळे पाणावले. बाहेर येऊन अमित ठाकरेंनी माध्यमांसमोर संताप व्यक्त केला. ‘मी इथल्या पोलिसांना भेटणार नाही त्यांना विनंती करणार नाही. थेट गृहमंत्री देवेंद्र फडणवीस यांना भेटणार आणि न्याय मागणार’, अशी संतप्त प्रतिक्रिया अमित ठाकरेंनी दिली.
Solapur Crime: मनसे नेते बाळासाहेब सरवदे हत्येप्रकरणी भाजप आमदार अन् मुलावर बड्या नेत्यांचे खळबळजनक आरोप

उमेदवारी अर्ज माघारीवरुन सरवदेंची हत्या

भाजप उमेदवाराला बिनविरोध करण्यासाठी भाजपमधील दोन गटात अनेक दिवसांपासून खटके उडत होते. रेखा सरवदे यांनी भाजपकडून उमेदवारी अर्ज मागत महानगरपालिका निवडणूक अधिकाऱ्यांकडे अर्ज दाखल केला होता. भाजपने दुसऱ्या गटातील शालन शिंदे यांना उमेदवारी देत, इतर उमेदवारांना उमेदवारी मागे घेण्यासाठी दाबाबतंत्र सुरू होता. 2 जानेवारी 2026 रोजी दुपारी रेखा सरवदे यांनी उमेदवारी अर्ज मागे घेतला होता. दुसऱ्या गटातील काही कार्यकर्त्यांनी जल्लोष साजरा केल्याने वादविवाद सुरू झाला होता. हा वाद विकोपाला जाऊ नये म्हणून रेखा सरवदे यांचे नातेवाईक असलेले मनसे नेते बाळासाहेब सरवदे वाद सोडवण्यासाठी गेले होते. मात्र, दुसऱ्या एका गटाने बाळासाहेब सरवदे यांना धारदार शस्त्राने वार करत ठार केले. यावरून महाराष्ट्र नवनिर्माण सेनेचे सर्वच पदाधिकारी संतप्त झाले आणि त्यांनी थेट अमित ठाकरेंना ही बाब सांगितली.
Sangli Crime : नवऱ्याने बायकोला वडिलांच्या मदतीने संपवलं, छिन्नविछिन्न अवस्थेत बॉडी; सांगली हादरवणाऱ्या ‘त्या’ हत्येचा एका चिक्कीवरुन उलगडा

मुलींना माहितीच नाहीय त्यांच्या…

अमित ठाकरे आज रविवारी दुपारी रोजी सोलापूरला आले. त्यांनी मृत बाळासाहेब सरवदे यांच्या घरी जाऊन कुटुंबियांची भेट घेतली. मृत बाळासाहेब सरवदे यांना दोन छोट्या मुली आहेत. या मुलींना माहितीच नाहीय त्यांच्या वडिलांची हत्या झालीय. गर्दी पाहून या दोन मुली ‘माझे पप्पा कुठे आहेत?, असा सवाल उपस्थित करत आहेत. त्या दोन मुलींकडे पाहण्याचे आणि त्यांचे उत्तर देण्याचं धाडस कुणाकडेच नाहीय.