शिवसेना नेते तानाजी सावंत यांनी धाराशिव येथील एका कार्यक्रमात शिवसैनिकांना उद्देशून म्हणताना मोठं वक्तव्य केल. जिल्हा परिषद निवडणुकीत बंडखोरी करणाऱ्यांवर कठोर कारवाई केली जाईल, असा इशारा त्यांनी दिला.
“बाळासाहेब ठाकरेंची शिवसेना काय असते, शिवसैनिक काय असतो, गद्दारांची जागा कशा पद्धतीने दाखवली जाते हे आम्ही त्याला दाखवल्याशिवाय राहणार नाहीत. जिल्हा परिषद आली आणि गेली, आम्हाला काही फरक पडत नाही. आम्ही काय त्यासाठी जन्मलो नाही. सत्तेसाठी शिवसेना तर जन्मलेलीच नाही. विषयच नाही. आमचं ब्रीदवाक्यच आहे की, 80 टक्के समाजकारण आणि 20 टक्के राजकारण. 80 टक्क्यात आम्ही कुठे कमी पडलो?”, असा सवाल तानाजी सावंत यांनी केला.
“अतिवृष्टी झाली, आम्ही मदत केली. पाऊस पडला, रस्त्यावर जाता येत नाही. स्वखर्चाने रस्ते केले. मला समोरचा एक नेता दाखवा, मी आता राजीनामा दिला. मग हे असं उसणं अवसान आणि अशा लोकांच्या बरोबर तुम्ही जायचं हा विचार आणि फितुरी कशासाठी? मोकळेपणाने सांगा की, साहेब तुम्ही या जिल्हा परिषद निवडणुकीत पडू नका. आम्हाला आमचं मागासलेपण आहे. बरं वाटतं. गुदगुल्या होतात. आम्हाला राहूद्या. तसं. मला त्याच्याशी काही नाही. कारण इथे ना तिथे 80 टक्के समाजकारण करायचं आहे. सेवाभाव आहे. आमची वृत्ती सेवाभाव आणि सांप्रदायीक पंथाची माणसं आहोत”, असं तानाजी सावंत म्हणाले.
तानाजी सावंत यांचा मोठा इशारा
“मी परत सांगतो, तिकीट देण्याच्याबाबत एकमेकांवर खुन्नस काढण्याचा प्रयत्न केला, पुढे निवडणूक झाली तर मी जबाबदार पदाधिकाऱ्यांना सांगतो, पिशवीतील अस्त्र काढा, ही पुन्हा तीन-चार वर्ष नीट जगता कामा नये. त्याचा बंदोबस्त सर्व शिवसैनिकांनी करायचा आहे”, असा मोठा इशारा तानाजी सावंत यांनी दिला.
जेवढे पैसे हवेत तेवढे देण्याचं आश्वासन
“सत्ता आल्यानंतर ज्याला जिल्हा परिषद, तालुका पंचायता सदस्य व्हायचा आहे, ठिक आहे ना, तिथला धंदा, कंत्राट काय असेल ते माझ्याकडे आहे ना. मी आहे ना इथे बसलोय. तुम्हा ला त्या कंत्राटातून चार पैसेच कमवायचे आहेत ना. सदस्य का व्हायचं आहे, कारण काय? आम्हाला कंत्राट करायचा आहे. ठिक आहे, तुला सदस्यत्वासाठी तिकीट मिळत नसेल, तुझी पाच वर्षात जेवढी कॉन्ट्रॅक्टरशीप होते त्याचे पैसे माझ्याकडून घेऊन जा”, असं मोठं आवाहन तानाजी सावंत यांनी दिलं.
Ajit Pawar : गुन्हेगाराच्या पत्नीला उमेदवारी का दिली? अखेर अजित पवार यांनी मौन सोडलं, म्हणाले…
‘गद्दारी केली तर…’
“ज्याला वाटतंय मला सदस्य व्हायचं आहे, त्याने माझ्या केबिनमध्ये गुपचूप यावं. मी कुठेही ओपन करणार नाही. मला सांगावं की, साहेब, मला पाच वर्षाचे एवढे पैसे हवे आहेत. तुला रुपया लागतोय ना, दोन रुपये देतो तुला. पण त्याचं काम कर. गद्दारी करायची नाही. पण गद्दारी केली तर ठेचल्याशिवाय स्वस्त बसणार नाही”, असा मोठा इशारा तानाजी सावंत यांनी दिला. “हे इथेच नाही तर संपूर्ण जिल्हा परिषदेत सांगतो. यावेळेस धाराशिव जिल्हा परिषदेत शिवसेनेचा भगवा झेंडा फडवायचा आहे”, असं तानाजी सावंत यावेळी म्हणाले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा