Bhiwandi Municipal Election : ‘बिनविरोध’ होणार असलेल्या बहुतेक वॉर्डांमध्ये महायुतीचे उमेदवार असून या पार्श्वभूमीवर आज, अर्जमाघारीच्या अखेरच्या दिवशी होणाऱ्या घडामोडींकडे लक्ष लागले आहे.
‘बिनविरोध’ होणार असलेल्या बहुतेक वॉर्डांमध्ये महायुतीचे उमेदवार आहेत. या पार्श्वभूमीवर आज, अर्जमाघारीच्या अखेरच्या दिवशी होणाऱ्या घडामोडींकडे लक्ष लागले आहे.
भिवंडीत खाते उघडले
भिवंडी महापालिकेच्या निवडणुकीत प्रभाग क्रमांक १७ ब मधून भाजपचे उमेदवार सुमित पाटील बिनविरोध निवडून आले आहेत. मुख्यमंत्री देवेंद्र फडणवीस यांनी सुमित यांचे दूरध्वनीवरून अभिनंदन केले. प्रभाग क्रमांक १७ ब मधून सुमित पाटील यांच्यासह अन्य काही उमेदवारांनी अर्ज भरले होते. अर्जाच्या छाननीनंतर सुमित यांच्यासह एकूण तीन अर्ज वैध ठरले. दोन अपक्षांनी अर्ज मागे घेतल्याने सुमित बिनविरोध निवडून आले आहेत. ते माजी केंद्रीय राज्यमंत्री कपिल पाटील यांचे पुतणे आहेत.
BMC Election : एक बैठक आणि फडणवीसांचा मोठा निर्णय, मुंबईत महायुतीच्या 12 उमेदवारांची माघार, कारण काय?
कल्याण-डोंबिवलीत गुलाल
कल्याण डोंबिवली महापालिकेच्या निवडणुकीसाठी उमेदवारी अर्ज दाखल केल्यापासूनच महायुतीकडून विजयाचा गुलाल उधळला जात आहे. गुरुवारी, दुसऱ्या दिवशी शिवसेनेच्या चार, तर भाजपच्या दोन अशा सहा उमेदवारांच्या नावावर विजयाचा शिक्का बसला. शिवसेना-भाजपकडून गुलाल उधळून, ढोलताशांच्या गजरात एकमेकांना पेढे वाटून गुरुवारी आनंद साजरा केला.Sheetal Devrukhakar Sheth : आदित्य ठाकरेंना धक्का, विश्वासू महिला नेत्याने 22 वर्षांची साथ सोडली; म्हणाल्या, मी जड अंतःकरणाने…
‘हा विजयाचा वारू निवडणुकीआधीच आणखी उधळणार असून शुक्रवारी या संख्येत आणखी भर पडेल,’ असा विश्वास आमदार राजेश मोरे यांनी व्यक्त केला. कल्याण डोंबिवली महापालिकेच्या जानेवारी २०२६ मध्ये होणाऱ्या निवडणुकीसाठी गुरुवारपर्यंत महायुतीच्या नऊ उमेदवारांच्या गळ्यात विजयाची माळ पडली.
धुळे, जळगावात प्रत्येकी तीन बिनविरोध
धुळे महापालिकेच्या निवडणुकीत बुधवारी अर्ज छाननीनंतर भाजपच्या दोन महिला उमेदवार बिनविरोध निवडून आल्यानंतर, गुरुवारी पुन्हा एक नगरसेविका बिनविरोध निवडून आणण्यात भाजपला यश मिळाले आहे. सुरेखा उगले या प्रभाग १७-ब मधून विजयी झाल्या आहेत. दुसरीकडे जळगावातही शिंदे यांच्या शिवसेनेचे तीन नगरसेवक बिनविरोध निवडून आले आहेत.Uddhav Thackeray : ठाकरेंचे एक-दोन नव्हे 82 उमेदवार बाद करण्याची खेळी, भाजपचा मोठा डाव उलटला, कारण ठरलं…
जळगावात प्रभाग १८-अ मध्ये आमदार प्रा. चंद्रकांत सोनवणे यांचे पुत्र गौरव सोनवणे यांच्या विरोधात शिवसेनेचे (उबाठा ) मयूर सोनवणे यांनी गुरुवारी अर्ज मागे घेतला. प्रभाग क्र.९ अ मध्ये शिवसेनेच्या मनोज चौधरी यांच्या विरोधात अपक्ष राहुल अशोक लोखंडे यांनी माघार घेतली. प्रभाग ९ ब मध्ये शिवसेनेच्याच प्रतिभा देशमुख यांच्या विरोधातील एकमेव अपक्ष उमेदवार प्रतिभा सुधीर पाटील यांनी माघार घेतली. छाननीदिवशीच भाजपच्या माजी महानगराध्यक्षा उज्ज्वला मोहन बेंडाळे यांच्या विरोधात एकही वैध अर्ज नसल्याने त्यांची निवड बिनविरोध मानली जात आहे. अशाप्रकारे महायुतीतील चार जागा बिनविरोध झाल्या.
१५ वर्षांच्या निष्ठेला डावललं, भाजपमध्ये बंडखोरी, जान्हवी राणे अपक्ष लढून दाखवणार
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा