पुण्यासह राज्यात डिसेंबर महिन्यात थंडीची लाट आलेली बघायला मिळाली. पुण्यातही तापमानाचा पारा चागलाच घसरलेला बघायला मिळाला. पण आगामी काळात तापमानात वाढ होणार असल्याची माहिती आहे.
ऑक्टोबर हिटमुळे वातावरणात तापायला लागण्यापूर्वीच थंडीने बस्तान बसवले, नोव्हेंबरमध्ये थंडीची लाट आल्याने महिनाभर पुणेकरांनी गुलाबी थंडी अनुभवली. डिसेंबरमध्ये थंडीचा जोर वाढणार असल्याचे संकेत भारतीय हवामानशास्त्र विभागाने दिले होते, त्यानुसार यंदा डिसेंबरच्या पहिल्या आठवड्यापासून तापमानाचा पारा घसरला. उत्तरेकडून येणाऱ्या थंड वाऱ्यांना अनुकूल वातावरण मिळाल्याने पुण्यात महिनाभर किमान तापमान दहा अंशाच्या खालीचे रेंगाळले. हंगामातील नीचांकी ७.९ अंश सेल्सिअस तापमान ११ डिसेंबरला नोंदविण्यात आले.
Pune News : उमेदवारीचा वाद विकोपाला! पुण्यात शिवसेनेच्या कार्यकर्त्याने चक्क ‘एबी फॉर्म’च खाल्ला
गेल्या वर्षी प्रतिकूल वातावरणामुळे हवेत अपेक्षित गारवाच नव्हता. त्यामुळे पुणेकरांना डिसेंबर महिन्यात स्वेटर घालण्याचीही संधी मिळाली नव्हती. या वर्षी मात्र, संध्याकाळनंतर वाढत जाणारा गारठा आणि मध्यरात्रीनंतर वाढत जाणाऱ्या कडाक्याच्या थंडीमुळे पुणेकरांना हुडहुडी भरली. वेगवेगळ्या प्रकारचे स्वेटर, शाल, जॅकेट, मफलर, कानटोप्या मिरविण्याची हौशी नागरिकांना संधी मिळाली. नवीन वर्षाच्या पूर्वसंध्येलाही आनंदोत्सवासाठी बाहेर पडलेले उत्साही पुणेकर थंडीपासून बचाव करण्यासाठी जय्यत तयारीनिशी फिरताना दिसले.Municipal Election : मतदानाच्या आधीच गुलाल उधळला, भाजपची विजयी घोडदौड, राज्यभरात 6 नगरसेवकांची बिनविरोध निवड
काही दिवस कमाल तापमानही २७ अंशापर्यंत खाली घसरले होते. त्यामुळे गारठ्यापासून वाचण्यासाठी दिवसाही ऊबदार कपडे घालून फिरावे लागले. वेगवेगळ्या कट्ट्यांवर नागरिकांच्या गप्पांमध्ये यंदा कडाक्याच्या थंडीची चर्चा रंगल्या. उत्तरेकडील वाऱ्यांचा प्रभाव वाढल्याने आणि महाराष्ट्रापर्यंत पोहोचण्यात अडथळे नसल्याने मध्य महाराष्ट्रातही गेल्या वर्षीच्या तुलनेत अधिक गारठा होता. जानेवारीच्या पहिल्या आठवड्यात मात्र पुण्यासह मध्यमहाराष्ट्रात तापमानात वाढ होणार असल्याचा अंदाज भारतीय हवामानशास्त्र विभागाने व्यक्त केला आहे.
डिसेंबर महिन्यात या पूर्वी नोंदविलेले तापमान
सरासरी किमान आणि कमाल तापमान (अंश सेल्सिअसमध्ये)
- २०२० – १३.८ – २९.७
- २०२१ – १४.४ – २८.२
- २०२२- १४.४- ३१.३
- २०२३- १४.३ – ३०
- २०२४ – १४.९ – ३०.४
- २०२५ – १०.०५ – २८.७
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा