नेमकं काय घडलं?

राजावाडी रुग्णालयाच्या येथील शवविच्छेदन केंद्राच्या बाहेर ते विमनस्क अवस्थेमध्ये उभे होते. त्यांचे शेजारी त्यांना धीर देत होते. त्यांना एक सहा वर्षांचा मुलगा आणि या अपघातामध्ये बचावलेली १३ वर्षांची मुलगी आहे. आई कुठे गेली, मुलांना काय सांगणार, या विचाराने ते व्याकूळ झाले. त्यांचे एक छोटेसे दुकान आहे. त्यावर ते संसाराचा गाडा ओढायचे. मुलीला अभिनयाची आवड होती. कुठे संधी मिळाली तर छोट्यामोठ्या भूमिका करायची. तिच्या ऑडिशनसाठी प्रणिता दादरला गेल्या होत्या. भांडुपला उतरल्यानंतर त्यांनी घरी येतेय, पाणी भरून ठेवाल का, जेवायला थांबा, असा निरोप पतीला दिला.

बसची वाट पाहत त्या उभ्या होत्या. हाताशी लेक होती. बसचे नियंत्रण सुटल्याचे त्यांच्या लक्षात आले असावे, त्यांनी जोरात लेकीला बाजूला ढकलले, त्या मात्र चाकाखाली आल्या. त्यांचा मृतदेह ताब्यात घेताना रासम यांना वेदना लपवता आली नाही.
Pranita Rasam : शूटिंग संपवून मायलेकी निघाल्या, मराठी मालिकेतील बालकलाकाराच्या आईचा भांडुप अपघातात मृत्यू, पूर्वाच्या डोळ्यासमोर…

नर्स मानसी गुरव यांचा मृत्यू

दुसरीकडे, परिचारिका असलेल्या दिवंगत मानसी गुरव यांचे पती मेघःश्याम गुरव यांनी व्यक्त केलेल्या भावनाही काळजात चर्र करणाऱ्या होत्या. ‘आमचा संसार २८ वर्षांचा. मानसी ही मनमिळाऊ आणि प्रेमळ, हा २८ वर्षांचा मनमिळाऊ संसार क्षणार्धात तुटला’ बेस्ट बसच्या सोमवारच्या अपघातात मानसी गुरव यांचादेखील जागीच मृत्यू झाला. मेघःश्याम गुरव हे बालमोहन शाळेत नोकरी करतात. मानसी या सायन रुग्णालयात परिचारिका होत्या. त्या कशा प्रेमळ होत्या, हे सांगताना मेघःश्याम यांचा कंठ दाटून आला होता.
Vasai Crime : विकीsss काय होतंय? वसईच्या लॉजमध्ये विवाहित प्रियकराचा मृत्यू, प्रेयसी घाबरली, CCTV फूटेज तपासलं, ‘ते’ ड्रिंक जीवावर बेतलं?
त्या कशा होत्या ? हे विचारले असता ते म्हणाले, ‘आता काय सांगणार? आमचा हा संसारच तिने मनमिळाऊ केला होता. ती कुटुंबाचा केवळ आर्थिक नाही तर भावनिक आधार होती. सर्व नातलगांना कायम सोबत घेऊन चालायची.’ गुरव कुटुंबीय हे पूर्वीपासून भांडुप पश्चिमेलाच राहते. चार वर्षांपूर्वी ते नरदास नगरच्या वरच्या भागातील शिवाजीनगर परिसरातील ‘माऊंट ब्लिस’ या सोसायटीत स्वतःच्या घरात राहण्यास आले.