चेंबूरमध्ये येणाऱ्या प्रभाग क्रमांक १५५ मधून भाजपनं माजी नगरसेवक श्रीकांत शेट्ये यांना उमेदवारी दिली आहे. त्यानंतर भाजपमध्ये मोठी नाराजी उफाळून आली. उद्धव ठाकरेंच्या शिवसेनेतून भाजपमध्ये गेलेल्या शेट्ये यांना उमेदवारी मिळाल्यानं भाजपमधील निष्ठावंत नाराज झाले आहेत. शेट्ये यांना तिकीट जाहीर होताच भाजपच्या तीन इच्छुकांनी उमेदवारी अर्ज दाखल केले आहेत. तिघेही अपक्ष लढण्याच्या तयारीत आहेत. एकाच प्रभागातून भाजपच्या तीन जणांनी बंडखोरी केली आहे. त्यामुळे पक्षाची चिंता वाढली आहे.
BMC Election 2026: आधी जय गुजरात, आता शिंदेसेनेच्या आमदाराची गुजराती पत्नी कमळावर रिंगणात; ‘राणे पॅटर्न’ चर्चेत
आयात उमेदवाराला संधी देत निष्ठावंतांच्या हाती भोपळा दिल्यानं भाजपमध्ये नाराजी पसरली आहे. प्रभाग क्रमांक १५५ मध्ये चेंबूरमधील सहकार नगर, ठक्कर बाप्पा कॉलनी, वत्सलाबाई नाईक नगर, साईबाबा नगर या भागांचा समावेश होतो. हा प्रभाग मुंबई महापालिकेच्या एम-पश्चिममध्ये येतो. २०१७ मध्ये या प्रभागातून श्रीकांत शेट्ये शिवसेनेच्या तिकिटावर निवडून आले होते. त्यांना ८ हजार १४ मतं मिळाली होती. त्यांनी काँग्रेसच्या राजेंद्र नगराळे यांचा पराभव केला होता.
जय घराणेशाही! 5 नंबरसाठी 5 तास खल; शिंदे, फडणवीसांचे शिलेदार इरेला पेटले; 3 जागांवर अदलाबदली
प्रभाग क्रमांक १५५ मधून लढण्यास माजी नगरसेविका जयश्री खरात, हर्ष साळवे आणि शशिकला शंकर कांबळे इच्छुक होत्या. तिघांनाही तिकिटाची अपेक्षा होती. पण भाजपनं तिघांना डावलत ठाकरेसेनेतून आलेल्या श्रीकांत शेट्ये यांना तिकीट दिलं. त्यामुळे खरात, कांबळे, साळवे नाराज झाले. तिघांनी अपक्ष उमेदवारी अर्ज भरला आहे. या बंडामुळे भाजपची डोकेदुखी वाढली आहे. बंडखोरी शमवण्याचं मोठं आव्हान भाजपसमोर उभं राहिलं आहे.