आताच्या घडीची मोठी आणि महत्त्वाची बातमी समोर येत आहे. मनसे अध्यक्ष राज ठाकरे माजी मुख्यमंत्री उद्धव ठाकरे यांच्या भेटीसाठी त्यांच्या ‘मातोश्री’ निवासस्थानी गेले आहेत.
मुंबई महापालिका निवडणुकीत मनसे आणि ठाकरे गटाची युती झाली आहे. त्यांच्यासोबत राष्ट्रवादी काँग्रेस शरदचंद्र पवार यांचादेखील पक्ष आहे. मनसे-शिवसेना उबाठा आणि शरद पवार गटाचं जागावाटप आता समोर आलं आहे. मनसे पक्षाला 53 जागा देण्यात आल्या आहेत. तर उद्धव ठाकरेंच्या शिवसेनेला 164 जागा मिळाल्या आहेत. यापैकी 10 जागा ठाकरे गटाने शरद पवारांच्या राष्ट्रवादीला दिल्या आहेत.
Pune Municipal Election : चंद्रकांत दादांना विधानसभेत नडणाऱ्या माजी नगरसेवकाचं भाजपने तिकीट कापलं, पण अमोल बालवडकरांनी गेम फिरवला
मुंबईत ठाकरे गटाची ताकद आहे. याआधीच्या विधानसभा आणि लोकसभा निवडणुकीत ते बघायला मिळालं आहे. त्यामुळे राज ठाकरे यांनीदेखील जास्त जागांचा अट्टहास न धरता 53 जागांवर समाधान मानल्याचं बघायला मिळत आहे. दोन्ही ठाकरे बंधूंकडून अतिशय शिस्तबद्ध पद्धतीने, अत्यंत विचार करुन जागावाटप ठरवण्यात आलं आहे. त्यामुळे या निवडणुकीत भाजपसमोर मोठं चॅलेंज असणार आहे. भाजपने ठाकरे गटाची ताकद ओळखून ठाकरे गटाविरोधात उपमुख्यमंत्री एकनाथ शिंदे यांना उभं केलं आहे. विशेष म्हणजे शिंदेंच्या शिवसेनेला भाजपने 90 जागा सोडल्या आहेत. तर 137 जागांवर भाजप लढणार आहे. अत्यंत अटीतटीची आणि संघर्षाची ही लढाई असणार आहे.Municipal Election : महाराष्ट्रात तब्बल 15 महापालिकांमध्ये भाजप-शिवसेनेची युती तुटली, कुठे-काय घडलं? वाचा A टू Z
राज ठाकरे उद्धव ठाकरेंच्या भेटीला
या सर्व घडामोडींच्या पार्श्वभूमीवर राज ठाकरे उद्धव ठाकरेंच्या भेटीला गेले आहेत. मुंबईत आता प्रचाराचा नारळ कधी फोडायचा, प्रचारसभा, प्रचारसभांमध्ये कोणते मुद्दे मांडायचे, याबाबत दोन्ही ठाकरे बंधूंमध्ये चर्चा होणार आहे. तसेच जागावाटपावेळी दोन्ही ठाकरे बंधूंच्या पक्षांमध्ये नाराजी बघायला मिळाली. कार्यकर्त्यांचं बंड कसं शमवायचं, नाराजी कशी दूर करायची? याबाबत दोन्ही बंधूंमध्ये चर्चा होऊ शकते.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा