मिरा-भाईंदर महापालिका निवडणुकीसाठी मंगळवारी उमेदवारी अर्ज दाखल करून बाहेर पडल्यानंतर हृदयविकाराच्या झटक्याने एका उमेदवाराचा अचानक मृत्यू झाल्याची घटना घडली आहे. जावेद पठाण (६६) असे मृत उमेदवाराचे नाव आहे. या घटनेवर शहरवासीयांकडून हळहळ व्यक्त केली जात आहे.

मिरा रोड च्या नया नगर भागातील निवडणूक कार्यालयात पठाण मंगळवारी दुपारी राष्ट्रवादी पक्षाकडून प्रभाग क्रमांक २२ मधून अर्ज दाखल करण्यास त्यांच्या समर्थकांसह दाखल गेले होते. येथे काही वेळाने अर्ज दाखल करून पठाण बाहेर पडले. त्यानंतर अचानक त्यांची प्रकृती खालावली. त्यामुळे त्यांना तात्काळ त्यांच्या कुटुंबीयांनी खाजगी रुग्णालयात उपचारासाठी दाखल केले. मात्र, त्यापूर्वीच त्यांचा मृत्यू झाला असल्याचे डॉक्टरांकडून घोषित करण्यात आले. तर, भाजपच्या पदाधिकारी वनिता बने यांना तिकीट नाकारल्यानंतर प्रकृती बिघडून हृदयविकाराचा झटका आला असून त्यांच्यावर रुग्णालयात उपचार सुरू आहेत.
BMC Election 2026: धनुष्यबाणावर लढायची ऑफर, शिंदेंची भेट, भाजपमधून ग्रीन सिग्नल; तरीही उमेदवाराची माघार; कारण काय?
मिरा-भाईंदर महापालिका निवडणुकीसाठी उमेदवारी अर्ज दाखल करण्याचा आज शेवटचा दिवस होता. शहरात १५ जानेवारीला मतदान होणार आहे. १६ जानेवारीला मतमोजणी होऊन निकाल जाहीर करण्यात येईल.

मिरा-भाईंदर महापालिकेत कोणाची किती ताकद?
मिरा-भाईंदर महापालिकेची अखेरची निवडणूक २०१७ मध्ये झाली. या निवडणुकीत भाजपनं ९५ पैकी ६१ जागा जिंकत स्पष्ट बहुमत मिळवलं. तर त्यावेळी एकसंघ असलेल्या शिवसेनेला २२ जागा मिळाल्या. भाजपच्या जागा तब्बल ३२ नं वाढल्या. तर शिवसेनेच्या जागा ८ नं वाढल्या. काँग्रेसच्या जागा नऊनं घटल्या आणि १० वर आल्या. तर अपक्षांना २ जागा मिळाल्या.
BMC Election 2026: शिंदेंचे 2 ‘धुरंधर’ भाजपला नडले, जागावाटपात अडून बसले; 52 जागांची ऑफर असताना 90 जागा मिळवल्या
२०१२ मध्ये झालेल्या निवडणुकीत भाजपला २९ जागा मिळाल्या होत्या. तर राष्ट्रवादी काँग्रेसनं मोठी मुसंडी मारत २७ जागा खिशात घातल्या होत्या. तर काँग्रेसला १९ जागांवर यश मिळालं होतं. शिवसेनेला १४ जागांवर समाधान मानावं लागलं होतं. तर मनसेनं १ जागा जिंकत खातं उघडलं होतं. अन्य लहान पक्षांना ३, तर अपक्षाला १ जागा मिळाली होती.