तिन्ही संशयीत आरोपी तृतीयपंथी अयुबची दुचाकी घेऊन जातानाचे चित्रीकरण सीसीटीव्ही कॅमेरात कैद झाले होते. पोलिसांनी तोच धागा धरून तीन संशयीत आरोपीच्या मुसक्या आवळल्या आहेत. यशराज उत्तम कांबळे (वय-२१ वर्षे रा., इंदिरा नगर लातूर), आफताब इसाक शेख (वय-२४ वर्षे रा. कुंभारवाडी ता. रेणापूर जि.लातूर,वैभव गुरूनाथ पनगुले ( रा. कुंभारवाडी ता. रेणापूर जि. लातूर ) अशी अटक केलेल्या आरोपींची नावे आहेत.

Mira Bhayandar Election: युतीची ‘डेडलाईन’ ठरली! प्रताप सरनाईकांचा भाजपला २४ तासांचा अल्टिमेटम; मैत्री टिकणार की तुटणार?

खुनाच्या गुन्ह्यातील संशयित आरोपी इंजिनिअरिंगचे विद्यार्थी

पोलिसांनी ताब्यात घेतलेल्या तीन आरोपीपैकी एक संशयीत आरोपी आफताब इसाक शेख हा तृतीयपंथीचा खास मित्र होता.वारंवार तृतीयपंथी आणि त्या आरोपीच्या भेटी झाल्या होत्या. तृतीयपंथी अयुब सय्यद याकडे मोठ्या प्रमाणात सोन आणि भरपूर पैसा असल्याने आफताबच्या नियतीत खोट निर्माण झाली होती. आफताब हा लातूर जिल्ह्यात मजुरीचे काम करत होता. इंजिनिअरिंगच्या दोन मित्रांना सोबत घेतलं त्याने अयुबच्या घरातील सोनं आणि पैसा चोरी करण्याचा डाव रचला होता. त्यामध्ये तीन आरोपींनी अयुब सय्यदचा उशीच्या साहाय्याने तोंड दाबून खून केला आणि दागिने रोख रक्कम तसेच तृतीयपंथी अयुबची दुचाकी चोरून घेऊन गेले. यशराज कांबळे आणि वैभव पनगुले हे दोघे लातूर जिल्ह्यातील एका अभियांत्रिकी महाविद्यालयात इंजिनिअरिंगचे शिक्षण घेत आहेत.

तांत्रिक तपास करत पोलिसांनी आरोपीचा शोध लावला

सोलापूर पोलीस दलातील गुन्हे शाखेकडील स.पो.नि. शंकर धायगुडे, स.पो.नि. विजय पाटील, स.पो.नि. शैलेश खेडकर, स.पो.नि. दत्तात्रय काळे, पो.उपनि. मुकेश गायकवाड, ग्रेड पो. उपनि. शामकांत जाधव व त्यांचे पोलीस पथक तसेच सदर बझार पो.स्टे. कडील सपोनि सागर काटे व त्यांचे पोलीस पथक यांनी तांत्रिक माहितीचे आधारे व सी.सी.टी.व्ही. फुटेजची तपासणी केली होती.

तीन संशयीत इसमांनी खून केला आणि आरोपी हे लातूर जिल्ह्याचे दिशेने गेल्याचे खात्रीशीर दिसून आले.सोलापूर गुन्हे शाखेच्या पोलिसांना गोपनिय माहिती मिळाली.तिन्ही संशयीत आरोपी लातूर शहरातील विवेकानंद चौक येथील पाण्याचे टाकी जवळील परिसरात आहेत.सोलापूर पोलिसांनी ताबडतोब तिघा जणांना लातूर येथून ताब्यात घेतले.