मालकाला बाहेर काढून मारहाण

याप्रकरणी आज सकाळ पर्यंत गुन्हा दाखल झाला नव्हता. मात्र, या घटनेची पोलिसांनी दखल घेतली असून त्यासंदर्भात गुन्हा दाखल करण्याचं काम सुरू असल्याची माहिती पोलिसांनी दिली. बारामतीतील प्रगतीनगर भागातील आकाश काळे याच्या चायनिज हॉटेलमध्ये येऊन सात ते आठ जणांच्या टोळक्याने दहशत निर्माण करण्याचा प्रयत्न केला. त्यांना जाब विचारण्यासाठी बाहेर आलेल्या हॉटेल मालकाला या टोळक्याने रस्त्यावर नेले आणि तेथे त्याला बेदम मारहाण केली. या घटनेनं परिसरात दहशत निर्माण झाली होती. यानंतर काही वेळाने पुन्हा दुकानाची तोडफोड केल्याची तक्रार दुकान मालकाने केली. या घटनेनं बारामतीतील कायदा व सुव्यवस्था पुन्हा एकदा चर्चेत आली आहे.

Nagpur Crime : मुलाचं नुकतंच लग्न, पण पत्नीनं आयुष्य संपवलं, नातेवाईकांचा गंभीर आरोप; आई अन् लेकानं हॉटेलच्या खोलीत…; महाराष्ट्र हादरला

अजितदादा-अमोल कोल्हेंच्या बैठकीची इनसाईड स्टोरी

राष्ट्रवादीचे अध्यक्ष आणि उपमुख्यमंत्री अजित पवार आणि राष्ट्रवादी काँग्रेस : शरदचंद्र पवार पक्षाचे खासदार अमोल कोल्हे यांच्यात आज सकाळी अजितदादांच्या जिजाई निवासस्थानी एक महत्त्वाची बैठक पार पडली. या बैठकीला पुणे आणि पिंपरी-चिंचवडमधील आगामी निवडणुकांमध्ये दोन्ही पक्षांच्या संभाव्य आघाडीवर सविस्तर चर्चा झाली. पुण्यातील आघाडीची शक्यता सध्या कमी दिसत असली तरी, पिंपरी-चिंचवडमध्ये युती करण्यावर दोन्ही पक्षांचे नेते सकारात्मक असल्याचे दिसून आले. या बैठकीत जागावाटप आणि चिन्हाबाबत वरिष्ठ स्तरावर निर्णय घेण्यावरही एकमत झाले.

Beed Crime : ‘मंत्रालयात आपली ओळख, मी तुमच्या मुलीला कायमस्वरूपी…’; बीडमध्ये धक्कादायक प्रकार समोर

पुण्यात दोन्ही राष्ट्रवादी पक्षांची आघाडी होण्याची शक्यता मावळली असली तरी, पिंपरी-चिंचवड महापालिका निवडणुकीसाठी मात्र दोन्ही पक्षांचे नेते जोरदार तयारी करत आहेत. या संदर्भात दोन्ही पक्षांच्या नेत्यांच्या तीन बैठका यापूर्वीच पार पडल्या आहेत. आज सकाळी झालेल्या बैठकीत अजित पवार आणि अमोल कोल्हे यांनी सुमारे पाऊण तास चर्चा केली. या चर्चेत आघाडी झाल्यास कोणत्या जागांवर कोण लढणार, यावर विचारविनिमय झाला. तसेच पक्षाच्या चिन्हाबाबतचा अंतिम निर्णय वरिष्ठ नेते घेतील, असेही स्पष्ट करण्यात आले.