महाविकास आघाडीच्या जागावाटपाचे नियोजन करताना आणि बुधवारी शिवसेना ठाकरे गट आणि मनसे यांच्या युतीचा निर्णय झाल्यानंतर नाशिक येथील मनसे कार्यालयात जल्लोष करणारे, पेढे खाणारे, पेढे वाटणारे पाटील यांनी रात्रीतून निष्ठा बदलत हाती कमळ घेतल्याने अनेकांना धक्का बसला आहे.

Nashik BJP: आयारामांवरुन भाजपमध्ये यादवी; खैरे, पांडे, वाघ यांना पोलिस बंदोबस्तात प्रवेश देण्याची वेळ
दरम्यान, भाजपविरोधात कार्यकर्त्यांकडून आंदोलन सुरू असताना पाटील कार्यकत्यांच्या पक्षाच्या ताफ्यासह गडकरी चौकात उभे होते. त्यांना यासंदर्भात विचारले असता गाणगापूरला देवदर्शनासाठी चाललो, असे उत्तर त्यांनी दिले. मात्र, नंतर हा ताफा भाजप कार्यालयात पोहोचला!

‘मविआ’लाही मोठा धक्का
विधानसभा निवडणुकीवेळी दिनकर पाटील यांनी मंत्री महाजन यांच्यावर गंभीर आरोप करीत उमेदवारीसाठी मनसेत प्रवेश केला होता. मनसेने त्यांना उमेदवारी दिली. परंतु, पाटील पराभूत झाले. त्यानंतर नाशिकमधील मनसेचे कॅप्टनपद पाटील यांना दिले गेले. त्यामुळे पक्षात पाटील यांना नाशिकचे राज ठाकरे म्हटले गेले. पक्षाचे सर्व निर्णय पाटील यांच्याकडे एकवटून त्यांनी पक्षाची सर्व धुरा सांभाळली. महाविकास आघाडीचे संयोजन त्यांच्याकडे होते. परंतु, आता कॅप्टनच भाजपमध्ये गेल्याने मनसेसह मविआलाही मोठा धक्का बसला आहे.

भाजप आमदार Devyani Farande यांच्या डोळ्यांमध्ये अश्रू, नेमकं काय म्हणाल्या?
आज प्रचाराचा नारळ
नाशिकरोड : प्रभाग २२ मधील शिवसेना ठाकरे गट आणि मनसे युतीचे घोषित झालेले पॅनल हे शहरातील पहिलेच अधिकृत पॅनल ठरले आहे. या पॅनलकडून आज, शुक्रवारी (दि. २६) देवळालीगाव येथे प्रचाराचा नारळही फोडला जाणार आहे. त्यामुळे मोठी उलथापालथ घडण्याची शक्यता आहे. या प्रभागात वैशाली दाणींसह संजीवनी हांडोरे यांना शिवसेनेचे केशव पोरजे यांनी पॅनलमध्ये स्थान देत माजी प्रभाग सभापती सुनीता कोठुळे यांना डच्चू दिला आहे. दिवंगत नगरसेविका सत्यभामा गाडेकर यांचे चिरंजीव योगेश गाडेकर यांना सोबत घेत पॅनलची घोषणाही केली आहे.