विरोधानंतरही प्रवेशसोहळा झाल्याने निष्ठावंतांनी दिलेल्या ‘धिक्कारा’च्या घोषणा, तर नव्या प्रवेशकत्यांच्या ‘आगे बढो’च्या घोषणांनी ‘वसंतस्मृती’ कार्यालय दणाणून गेले. निष्ठावंत विरुद्ध आयारामामधील संघर्षामुळे चक्क पोलिस बंदोबस्तात कुंभमेळामंत्री गिरीश महाजन यांना निवडणूक प्रमुखांच्या अनुपस्थितीत प्रवेशसोहळा उरकावा लागल्याने भाजपची फजिती झाल्याचे पाहायला मिळाली. महापालिका निवडणुकीची रणधुमाळी सुरू असताना भाजपविरोधात एकीची मोट बांधणाऱ्या महाविकास आघाडीला भाजपचे संकटमोचक मंत्री गिरीश महाजन यांनी सुरुंग लावला.

भाजप आमदार Devyani Farande यांच्या डोळ्यांमध्ये अश्रू, नेमकं काय म्हणाल्या?
महाजन-निष्ठावंत आमनेसामने
भाजप कार्यालयाबाहेर सुरू असलेल्या या राड्यातच मंत्री महाजन यांची पोलिस बंदोबस्तात एंट्री झाली. महाजन कार्यालयाच्या प्रवेशद्वार आल्यानंतर विरोधकांनी त्यांना गेटवरच अडवत निष्ठावंतांना कधी न्याय देणार, असा सवाल केला. या वेळी महाजन यांना घेराव घातला गेला. महाजन आणि निष्ठांवतांमध्ये तू-तू-मै-मै झाल्याचे चित्र होते. गर्दीमुळे महाजन यांनाही रेटारेटीतच आणि आमदार राहुल ढिकले आणि सुधाकर बडगुजरांच्या मदतीने कसाबसा प्रवेश मिळाला. या वेळी पोलिसांनी साखळी करत महाजनांना कार्यालयात नेले.

Nashik Politics: दिवे, तडवी, बोराडे शिंदेसेनेत; भाजपशी चर्चा सुरु असताना पक्षाची प्रभागांमध्ये तटबंदी
फरांदेंना अश्रू अनावर
खैरे, वाघ, पांडे यांच्या प्रवेशाविरोधात पक्ष कार्यालयात आंदोलन सुरू असताना आमदार फरांदे यांनी हॉटेलमध्ये जाऊन मंत्री गिरीश महाजनांची भेट घेतली. या प्रवेशावरून त्यांनी नाराजी व्यक्त केली. निवडणूकप्रमुख असतानाही मला न विचारता प्रवेश ठरल्याबाबत त्यांनी विचारणा केली. परंतु, संबंधित प्रवेश होणारच असल्याच्या भूमिकेवर महाजन ठाम राहिल्यानंतर नाराज होऊन हॉटेलबाहेर पडलेल्या आमदार फरांदे यांना अश्रू लपविता आले नाहीत. त्यामुळे त्यांनी प्रवेश सोहळ्यालाही उपस्थित न राहता निवासस्थान गाठल्याने भाजपमधील बेदिली पुन्हा समोर आली आहे.

Nashik Crime: दुकानदाराच्या तक्रारीमुळे हताश, नाशकात 29 वर्षीय तरुणाने संपवलं आयुष्य; रात्रभर बेपत्ता अन्…
निष्ठावंतांचा विरोध रास्त असून, त्यांच्या मनात थोडाफार राग आहे. त्यांचा हा राग लवकर निवळेल. कालांतराने तुम्हालाही न्याय मिळणार आहे. पक्ष कसा वाढेल यासाठी आमचा प्रयत्न आहे. – गिरीश महाजन, कुंभमेळामंत्री

सर्वांना नेते व्हायचंय आणि सगळ्यांना आपापलं बघायचंय. मग पक्षाच्या निष्ठावान कार्यकर्त्यांना कुणी पाठबळ द्यायचं ? त्यामुळे मी सकाळी सोशल मीडियावर पोस्ट टाकली होती. एवढाच विषय होता. –देवयानी फरांदे, निवडणूकप्रमुख, भाजप

आज माजी पंतप्रधान अटलबिहारी वाजपेयी यांचा वाढदिवस आहे. त्याच दिवशी आमच्यासारख्या निष्ठावंतांवर अन्याय केला जात आहे. या प्रवेश सोहळ्याला आमचा विरोध आहे. –गणेश मोरे, भाजप इच्छुक