शिवसेनेचे नेते एकनाथ शिंदे यांचा वरचष्मा असलेल्या या शहरामध्ये शिंदे यांच्या खेळीमुळे शिवसेना सत्तेच्या केंद्रस्थानी राहिली आहे. त्यामुळे या भागात भाजपला नेहमी दुय्यम भूमिका बजावावी लागत होती. परंतु यंदा भाजपच्या प्रदेशाध्यक्षपदाची सूत्रे डोंबिवलीतील रवींद्र चव्हाण यांच्याकडे आल्यानंतर ठाण्यातील कमकुवत ठरणाऱ्या या भागांमध्ये चव्हाण यांनी लक्ष घालण्यास सुरुवात केल्याने शिवसेनेसमोरील अडचणी वाढत गेल्या. याशिवाय अंबरनाथ-बदलापूर शहरातील शिवसेनेतील नेत्यांमधील अंतर्गत विरोधही शिवसेनेच्या नगराध्यक्षपदाच्या उमेदवारांच्या पराभवाचे कारण ठरला.

मुंबई महानगर प्रदेशातील अंबरनाथ, बदलापूर नगरपरिषदांवर शिवसेनेचा भगवा फडकवण्यासाठी शिवसेनेकडून जोरदार मोर्चेबांधणी करण्यात आली होती. या दोन्ही नगर परिषदांमध्ये नगराध्यक्षपदासाठी महिला आरक्षण पडल्यामुळे राजकीय नेत्यांनी आपल्या कुटुंबातील महिलांना राजकारणामध्ये आणण्यासाठी प्रयत्न सुरू केले होते. त्यामध्ये अंबरनाथ शहरामधील शिवसेनेच्या सर्व महत्त्वाच्या नेत्यांना आपल्या कुटुंबातील महिला उमेदवार पुढे यावी हीच इच्छा होती. त्यामध्ये माजी शहराध्यक्ष अरविंद वाळेकर यांच्या पत्नी मनीषा वाळेकर यांना नगराध्यक्ष पदाची उमेदवारी मिळाली होती.
Shraddha Bhosale : अडखळत्या मराठीवरुन ट्रोल, भाजप उमेदवार श्रद्धाराजे भोसले यांचा निकाल काय लागला? तब्बल 1300 मतांनी…
अंबरनाथ शहरामध्ये शिवसेनेचे माजी शहराध्यक्ष अरविंद वाळेकर आणि पक्षातील पदाधिकाऱ्यांमध्ये अनेक वर्षांपासून सुप्त संघर्ष सुरू आहे. वरवर हा संघर्ष शमल्याचे म्हटले जात असले तरी या निवडणुकांमध्ये या अंतर्गत संघर्षाचाही फटका बसला असण्याची शक्यता आहे. प्रत्यक्ष प्रचारामध्ये यासंदर्भातील कोणतीही कसूर सोडण्यात आली नसली तरी निकालामध्ये हा अंतर्गत विरोध स्पष्ट झाला आहे.

अरविंद वाळेकर यांचा पुतण्या पवन वाळेकर यानेही भाजपमध्ये प्रवेश करून कौटुंबिक कलहाचा फायदा भाजपकडून करून घेण्यात आला. त्यामुळे ही लढाई भाजप-शिवसेना यांच्यामध्ये सुरू असताना वाळेकर कुटुंबातील दोन भावांमध्येही झाल्याचे दिसून आले. यामध्ये पवन वाळेकर यांच्या कार्यालयावर झालेला हल्ला भाजपसाठी कळीचा ठरला.
Rajan Patil : भाजपच्या राजन पाटलांचं आव्हान मोडित, शिंदेसेनेचा मोठा झटका, मोहोळ नगराध्यक्षपदाच्या निवडणुकीत उलटफेर
दुसरीकडे अंबरनाथ शहरामध्ये भाजपकडून सुरुवातीच्या काळात विशेष लक्ष देण्यात आले नव्हते. परंतु निवडणूक पुढे गेल्यानंतर प्रदेशाध्यक्ष रवींद्र चव्हाण यांनी या शहरामध्ये विशेष लक्ष दिले. भाजप कार्यकर्त्यांना बळ देण्यासाठी शेवटच्या टप्प्यात मुख्यमंत्री देवेंद्र फडणवीस यांची सभाही घेण्यात आल्याने अंबरनाथमधील भाजपच्या नगराध्यक्षपदाच्या उमेदवार तेजश्री करंजुले पाटील यांच्या निवडणुकीतील विजयाचा मार्ग निश्चित झाला.

भाजपकडून कथोरेंकडे धुरा

बदलापूर शहरामध्ये भाजपच्या वतीने किसन कथोरे यांनी निवडणुकीची धुरा सांभाळली होती. तर शिवसेनेकडून वामन म्हात्रे यांनी शिवसेनेकडून मोर्चेबांधणी केली होती. वरिष्ठ नेत्यांकडून या निवडणुकीमध्ये लक्ष दिले जात असले तरी कथोरे आणि म्हात्रे अशी निवडणूक रंगली होती. भाजपकडून बदलापूरमधून नगराध्यक्षपदासाठी रुचिता घोरपडे यांना उमेदवारी दिली होती. तर शिवसेनेकडून वामन म्हात्रे यांच्या पत्नी वीणा म्हात्रे निवडणूक रिंगणामध्ये होत्या.
Uddhav Thackeray : ठाकरेंनी एक जागा मागितली, मित्रपक्षाचा नकार; अखेर स्वबळावर उतरत 100 टक्के स्ट्राईक रेट मारला, पालकर दाम्पत्य चर्चेत
वामन म्हात्रे यांच्याकडे शिवसेनेच्या सर्व निर्णयांची सूत्रे असल्याने उमेदवार वाटपामध्ये घराणेशाहीचे चित्र दिसून आले. म्हात्रे यांच्या कुटुंबातील पत्नी, मुलगा, पुतण्या, भाऊ आणि स्वतः वामन म्हात्रे निवडणूक रिंगणात उतरल्याने त्यांच्यावर मोठी टीका झाली होती. याशिवाय नगरपरिषदेतील भ्रष्टाचाराच्या मुद्द्यावरून भाजपकडून म्हात्रे यांच्याविरोधात जोरदार आघाडी उघडली होती. निवडणुकीच्या काही दिवस आधी म्हात्रे यांना आलेल्या ईडीच्या नोटिशीच्या चर्चेनेही जोर धरला होता. त्यामुळे शिवसेनेसाठी ही लढाई अवघड होत होती.