कल्याण लोकसभा मतदारसंघात अंबरनाथ ही एकमेव नगर परिषद आहे. खासदार शिंदे यांनी येथे विशेष विकासकामे केली आहेत. अंबरनाथ शिवमंदिर परिसराच्या सौंदर्यीकरणाचा प्रकल्प, शिवमंदिर फेस्टिव्हल, नगर परिषदेची नवी इमारत, यूपीएससी भवन, पाणीपुरवठ्याची योजना, नुकतेच उद्घाटन झालेले नवे धर्मवीर आनंद दिघे नाट्यगृह अशा विविध प्रकल्पांच्या माध्यमातून अंबरनाथकरांसाठी अत्याधुनिक सुविधा उपलब्ध करून देण्यात आल्या.

Badlapur Ambernath Election Result: शिंदेंच्या होमपीचवर कमळ, सेनेच्या 2 बालेकिल्ल्यांना सुरुंग; फुटीनंतरच्या पहिल्याच निवडणुकीत दणका
नगर परिषद निवडणुकीच्या उमेदवारनिवडीपासून ते प्रचाराच्या नियोजनापर्यंत खा. शिंदे पूर्ण लक्ष ठेवून होते. उपमुख्यमंत्री एकनाथ शिंदे यांच्या तीन सभाही शहरात झाल्या. तर श्रीकांत शिंदे यांनी प्रत्येक प्रभागामध्ये भेटी देऊन केलेल्या कामांचा प्रचार केला. विशेष म्हणजे प्रभाग भेटीबरोबरच रॅलीमध्येही शिंदे यांची हजेरी लक्षवेधी ठरत होती. त्यामुळे शिवसेने आणि भाजप यांच्यातील चुरस वाढली होती.

नगराध्यक्षपदाचे उमेदवार आणि नगरसेवकपदाच्या उमेदवारांच्या निवडीमध्येही शिंदे यांचे संपूर्ण नियोजन होते. परंतु निकालामध्ये गतवेळेच्या तुलनेत नगरसेवक पदे राखण्यात यश आले असले तरी नगराध्यक्षपद पदाच्या उमेदवार मनीषा वाळेकर यांचा पराभव रोखण्यात यश मिळू शकलेले नाही. त्यामुळे अंबरनाथमध्ये भाजपच्या तेजश्री करंजुले पाटील या नगराध्यपदी निवडून आल्या आहेत. खासदार शिंदे यांच्या रणनीतीला यामुळे धक्का बसला असून नगराध्यपदाच्या उमेदवार निवडीमध्ये त्रुटींमुळे हा पराभव झाल्याची चर्चा आहे.

Holiday List 2026 मध्ये दिवाळीसह चार सुट्ट्या बुडाल्या, नोकरदार खट्टू, विवाह इच्छुकांसाठीही कठीण वर्ष, अधिक मासामुळे…
भाजप आणि काँग्रेसचे नगरसेवक वाढले
अंबरनाथमध्ये भाजप आणि काँग्रेसच्या नगरसेवकांमध्ये वाढ झाली आहे. गेल्या वेळी झालेल्या निवडणुकीत भाजपचे दहा नगरसेवक होते. आता त्यांची संख्या १४ झाली आहे. तर काँग्रेसच्या नगरसेवकांची संख्या आठवरून १२ झाली आहे. विशेष म्हणजे या निवडणुकीत शिवसेना उबाठा, मनसे पक्षासह विरोधकांचे उमेदवार असले तरी त्यांच्या प्रचारासाठी वरिष्ठ पातळीवरून मोठे नेते न आल्यामुळे संपूर्ण निवडणूक भाजप आणि शिवसेने यांच्या भोवती केंद्रित झाली होती. निवडणूक २० दिवस लांबल्याने आणि मुख्यमंत्री देवेंद्र फडणवीस यांच्या सभेने खा. शिंदे यांच्या प्रचार यंत्रणेला मोठा धक्का दिल्याची चर्चा दबक्या आवाजात सुरू आहे.