औसा नगर परिषदेच्या २३ जागांपैकी १७ जागांवर राष्ट्रवादी काँग्रेसनं विजय मिळवला. नगराध्यक्ष पदावर राष्ट्रवादीचे परवीन नवाजुद्दीन शेख यांनी साडे चारशे मतांच्या फरकानं विजय मिळवला आहे. औसामध्ये भाजपला ५, तर शिंदेसेनेला १ जागा मिळाली. काँग्रेसला इथे भोपळाही फोडता आलेला नाही. गेल्या निवडणुकीत २ जागा मिळवणाऱ्या काँग्रेसला यंदा खातं उघडता आलेलं नाही.
Nashik Election Result: ठाकरेंनी 27 वर्षांत कमावलं, ते शिंदेंनी गमावलं; सावरकरांच्या जन्मभूमीत आश्चर्यकारक निकाल
औसाचे आमदार अभिमन्यू पवार आधी मुख्यमंत्री देवेंद्र फडणवीस यांचे स्वीय सहाय्यक होते. २०१९ मध्ये फडणवीसांनी त्यांना पहिल्यांदा औसामधून विधानसभा निवडणुकीचं तिकीट दिलं. अभिमन्यू पवार यांनी २०१९ मध्ये काँग्रेस उमेदवार बसवराज पाटील यांचा २६ हजारांहून अधिक मतांनी पराभव केला. त्यामुळे औसामध्ये पहिल्यांदाच कमळ फुललं. अभिमन्यू पवार यांन इतिहास रचला. २०२४ मध्येही पवार यांनी औसाची जागा राखली.

औसात यंदा अभिमन्यू पवार यांनी त्यांची ताकद पणाला लावली होती. राष्ट्रवादी काँग्रेसचे नेते अफसर शेख यांनी उपमुख्यमंत्री अजित पवारांची सभा आयोजित वातावरण फिरवलं. अजित पवारांची सभा निवडणुकीत टर्निंग पॉईंट ठरली. सत्तेत असलेले दोन पक्षच आमनेसामने उभे ठाकल्यानं या निवडणुकीचं राजकीय वर्तुळाचं लक्ष लागलं होतं.
Nanded Election Result: मतदारांची जोरदार कामगिरी, भाजपची घराणेशाही बसवली घरी; कुटुंबातील 6 जणांचा पराभव, CMनं घेतलेली सभा
राष्ट्रवादी काँग्रेस विरुद्ध भाजप यांच्या संघर्षात सत्तेत लहान भाऊ असलेल्या पक्षानं बाजी मारली. भाजपचा आमदार असतानाही इथे पक्षाचा पराभव झाला. त्यामुळे हा निकाल भाजपसाठी मोठी नामुष्की मानला जात आहे. तर दुसरीकडे अजित पवारांच्या राष्ट्रवादी काँग्रेसनं निर्विवाद विजय मिळवत ताकद दाखवली आहे.