….तर राजीव सातव मुख्यमंत्री पदाचे उमेदवार असते

2014 वर्षी मोदी लाटेत काँग्रेसचा सुपडा साफ झालेला पाहायला मिळालेला होता. माजी मुख्यमंत्री अशोक चव्हाण, काँग्रेस नेते अमित देशमुख यांचं दिल्लीतलं वजन स्वर्गीय राजीव सातव यांच्या तुलनेत फार कमी झालेलं होतं. मात्र राहुल गांधी यांचे अत्यंत निकटवर्तीय स्वर्गीय राजीव सातव यांनी महाराष्ट्रातून खासदार पदी निवडून येत त्यांची असलेली लोकप्रियता दाखवून दिलेली होती. त्यावेळेस राजीव सातव यांच्या विजयाच्या राष्ट्रीय बातम्या पाहायला मिळालेल्या होत्या.2014 वर्षी देवेंद्र फडणवीस यांचे सरकार बहुमताने महाराष्ट्रात रुजू झालं. मात्र अत्यंत विश्वसनीय सूत्रांच्या माहितीनुसार, जर काँग्रेसची सत्ता आली असती तर जरी खासदार असले तरी स्वर्गीय राजीव सातव यांची मुख्यमंत्री पदी वर्णी लागली असती. ओबीसी चेहरा आणि दिल्लीतलं वजन पाहता स्वर्गीय राजीव सातव यांची मुख्यमंत्रीपदी निवड ही फक्त औपचारिकता बाकी होती अशी सूत्रांची माहिती आहे.
BMC Election : शरद पवारांच्या राष्ट्रवादीचं मुंबईतील अस्तित्व धोक्यात? भाजपचा मोठा गेम प्लॅन, बडा नेता गळाला, पण ‘घड्याळ’ काटे फिरवणार

कोण आहेत प्रज्ञा सातव?

प्रज्ञा सातव काँग्रेसच्या तिकिटावर महाराष्ट्र विधान परिषदेवर आमदार होत्या. ऑगस्ट २०२१ पासून त्या महाराष्ट्र प्रदेश काँग्रेस कमिटीच्या उपाध्यक्ष म्हणूनही कार्यरत होत्या. नोव्हेंबर २०२१ मध्ये विधान परिषदेवर त्यांची बिनविरोध निवड झाली होती. त्या महाराष्ट्रात काँग्रेसकडून विधान परिषदेवरील एकमेव महिला सदस्या होत्या. २०२४ मध्ये त्यांची परिषदेवर फेरनिवड झाली. त्यामुळे पाच वर्षांची टर्म बाकी असतानाही प्रज्ञा सातव यांनी राजीनामा दिल्याने आश्चर्य व्यक्त केले जात आहे.
Eknath Shinde : बंडखोरी टाळण्यासाठी शिंदेंची शक्कल, उमेदवारी अर्जातच ‘ते’ पत्र जोडलं, मी शिवसेनेच्या….
हिंगोली लोकसभा मतदारसंघाचे खासदार राहिलेले दिवंगत नेते राजीव सातव यांच्या त्या पत्नी. गांधी कुटुंबाशी सातव कुटुंबाचे निकटचे संबंध होते. राजीव सातव यांचे १६ मे २०२१ रोजी वयाच्या ४६ व्या वर्षी कोविड-१९ संसर्गातून उद्भवलेल्या गुंतागुंतींमुळे निधन झाले.