राजकीय पक्षांकडून मोठ्या सभांसाठी शिवाजी पार्क मैदानाला नेहमीच पसंती दिली जाते. यंदाच्या महापालिका निवडणुकीतही सभेसाठीही हे मैदान मिळवण्यासाठी राजकीय पक्ष सरसावले आहेत. १५ डिसेंबरला आचारसंहिता लागू झाली असून १५ जानेवारीला मतदान होणार आहे. महापालिका निवडणुकीच्या प्रचाराची सांगता शिवाजी पार्क मैदानातूनच करता यावी, यासाठी १० ते १३ जानेवारीच्या तारखांना अधिक मागणी आहे. त्यामुळे आचारसंहिता लागताच शिवसेना उबाठा, मनसे, शिवसेना आणि भाजपने महापालिकेच्या जी उत्तर वॉर्डकडे शिवाजी पार्क मैदानासाठी अर्ज केले आहेत.

Maharashta Politics: मलिकांना साथ की नेतृत्वबदल? अजित पवार यांच्या भूमिकेकडे आता पक्षाचे लक्ष
मनसे नेते नितीन सरदेसाई यांनी शिवाजी पार्कसाठी मनसेने स्वतंत्ररित्या महापालिकेकडे अर्ज केल्याचे सांगितले. ११ आणि १२ जानेवारी या तारखांसाठी अर्ज दिल्याचे ते म्हणाले. शिंदे यांच्या शिवसेनेने ११ ते १३ जानेवारीपैकी एका दिवसासाठी परवानगी अर्ज सादर केला आहे. शिवसेनेच्या प्रवक्त्या शीतल म्हात्रे यांनी शिवाजी पार्क मैदानासाठी महापालिकेकडे अर्ज केल्याचे सांगितले.

Mumbai Crime: भांडण सोडवायला गेलेल्या पोलिसांना मारहाण करुन वर्दी फाडली; कांदिवलीतील धक्कादायक प्रकार, 5 जण अटकेत
लवकरच निर्णय
मुंबई महापालिकेतील एका वरिष्ठ अधिकाऱ्याने याला दुजोरा देताना, शिवसेना, मनसे, शिवसेना उबाठा, भाजप अशा चार पक्षांनी शिवाजी पार्क मैदानासाठी अर्ज केल्याचे स्पष्ट केले. १० ते १३ जानेवारीच्या तारखा या प्रत्येक राजकीय पक्षाने अर्जात सादर केल्या आहेत. काही राजकीय पक्षांनी दोन तारखा, तर काही राजकीय पक्षांनी तीन तारखा नमूद केल्या आहेत. या सर्व अर्जाचा अहवाल तयार करून संबंधित विभागाच्या वरिष्ठांना पाठण्यात येईल आणि त्यावर लवकरच मंजुरी घेण्यात येईल, असे त्यांनी असल्याचे सांगितले.