आज सायंकाळी भारतीय जनता पक्षाच्या कार्यालयात केशव उपाध्ये यांची पत्रकार परिषद होती. ही पत्रकार परिषद झाल्यानंतर भाजपच्या शहर कार्यालय बाहेर तानाजी सावंत यांच्या जे.एस.पी.एम संस्थेची एक कार अचानक आली आणि त्यामध्ये सावंत यांच्या संस्थेतीलच काही कर्मचारी होते आणि त्यांच्या हातात होता तो तानाजी सावंत यांचे पुत्र गिरीराज सावंत यांचा उमेदवारी अर्ज. काही वेळातच या कर्मचाऱ्यांनी गिरीराज सावंत यांचा उमेदवारी अर्ज भाजपच्या कार्यालयात दाखल केला आणि ते तिथून निघून गेले.

Pune News : शरद पवारांच्या आमदाराचा मुलगा ते अजित पवारांचे माजी नगरसेवक; भाजपचा उमेदवारी अर्ज घ्यायला इच्छुकांची गर्दी

गिरीराज सावंत काय म्हणाले?

याबाबत आमचे प्रतिनिधी यांनी गिरीराज सावंत यांच्याशी संपर्क साधला असता त्यांनी ‘शिवसेना हा आमचा पक्ष आहे. आमच्या घरात आमदार आहेत त्यामुळे भारतीय जनता पक्षाची उमेदवारी स्विकारण्याचा किंवा घेण्याचा संबंध येत नसल्याचं’ म्हटलं आहे. दरम्यान, जरी गिरीराज सावंत यांनी या चर्चेमध्ये तथ्य नसल्याचं म्हटलं असलं तरी खात्रीलायक सूत्रांनुसार पुण्यातील प्रभाग क्रमांक 38 मधून गिरीराज सावंत यांनी अर्ज भरला आहे. आता गिरीराज सावंत यांनी खरंच भाजकडून अर्ज भरला आहे की नाही? हे पाहणं तेवढंच महत्त्वाचं आहे.

Pune Kasba Ganpati : पुण्यातून मोठी बातमी; कसबा मंदिर 15 डिसेंबरपासून बंद, कारण…; इतिहासात अशी प्रक्रिया पहिल्यांदाच होणार

भाजपची डोकेदुखी वाढली

दरम्यान, आगामी पुणे महापालिका निवडणूक भाजप स्वबळावर लढेल हे जवळपास निश्चित मानलं जात आहे. त्या दृष्टिकोनातून भाजपने संपूर्ण 165 जागांची तयारी केली असून सर्व प्रभागातून इच्छुकांचे अर्ज मागवले आहेत. यासाठी दोन दिवसांची मुदत देण्यात आली होती. या दोन दिवसांच्या मुदतीमध्ये तब्बल 2200 अर्ज इच्छुक घेऊन गेले आहेत. प्रभागवार विचार केला तर प्रत्येक प्रभागामध्ये 20 हून अधिक जण भाजपकडून निवडणूक लढण्यासाठी इच्छुक असल्याचं पाहायला मिळत आहे. आता आधीच भाजपमध्ये इच्छुकांची कमी नसताना दुसऱ्या पक्षातील इच्छुकांनी उमेदवारी अर्ज घेऊन गेल्यानंतर भाजपच्या निष्ठवंतांची डोकेदुखी मात्र वाढली आहे हे नक्की.