नेमकं प्रकरण काय?

माहूर शहरापासून काही किलोमीटर अंतरावर शेकापूर येथे जि. प. शाळेत सकाळच्या सत्रातच मुख्याध्यापकाने दारूचे सेवन करून मद्यधुंद अवस्थेत वर्गात प्रवेश केला. व्हायरल व्हिडिओत मुख्याध्यापक मोठमोठ्याने ओरडत असल्याचं आणि लटलटत नाचत असल्याचं स्पष्ट दिसून येत आहे. अचानक घडलेल्या या प्रकारामुळे विद्यार्थी प्रचंड घाबरले, काही विद्यार्थी भीतीने रडू लागले, तर काहींनी वर्गाबाहेर पळ काढल्याचेही व्हिडिओत दिसून येत आहे.

Pune News : संस्थेची गाडी कार्यालयासमोर लागली, सहकाऱ्यांच्या हातात उमेदवारी अर्ज, तानाजी सावंत यांच्या मुलाला हवी भाजपची उमेदवारी?

मुख्याध्यापकाचं निलंबन

उपस्थित एका पालकाने हा संपूर्ण प्रकार आपल्या मोबाईलमध्ये रेकॉर्ड करून समाजमाध्यमांवर शेअर केला. काही क्षणांतच हा व्हिडिओ मोठ्या प्रमाणात व्हायरल झाला. जि. प. शिक्षण विभागातील ही घटना उघड झाल्यानंतर स्थानिक ग्रामस्थ, पालक आणि सामाजिक संघटनांनी तीव्र संताप व्यक्त केला आहे. दरम्यान, नाच करणाऱ्या मुख्याध्यापकाच्या निलंबनाचा प्रस्ताव दाखल केल्यानंतर जिल्हा परिषदेच्या मुख्य कार्यकारी अधिकारी मेघना कावली यांनी वर्मा यांना सोमवारी दि. 8 डिसेंबरला निलंबित केलं आहे.

Kalakendra Love Affair: कलाकेंद्रातील नर्तकीच्या प्रेमात जीव दिलेल्या तरुणाच्या प्रकरणात आणखी धक्कादायक माहिती उघड, त्याने प्रेयसीला…

आदेशात काय काय म्हटलेलं?

दरम्यान, मुख्य कार्यकारी अधिकारी कावली यांनी अनंत वर्मा यांच्यावर निलंबनाची कारवाई केली. त्यांनी महाराष्ट्र जिल्हा परिषद जिल्हा सेवा (वर्तणूक) नियमांचं उल्लंघन केल्याचं कारवाईच्या आदेशात नमूद केलं आहे. निलंबन काळात त्यांचे मुख्यालय शिक्षण विभाग (प्राथमिक) जिल्हा परिषद नांदेड येथे राहील. या काळात त्यांना अर्धवेतन भत्ता मिळेल. कोणताही खासगी व्यवसाय करता येणार नाही. तसं निदर्शनास आल्यास वेगळी शिस्तभंगाची कारवाई होईल, असंही आदेशात म्हटलं आहे.