तुषार भुमकरचा जागीच मृत्यू

तुषार वामन भुमकर (वय ३५, रा. वाकड, पिंपरी चिंचवड) असे अपघातात मृत्यू झालेल्या तरुणाचे नाव असून, पाच जखमींमध्ये आयशर टेम्पो चालक राजु मुडबे (रा. धाराशिव), कुलदीप पवार (रा. लातूर) हे किरकोळ जखमी झाले आहेत. तसेच फॉर्च्यूनर कारमधील प्रदीपसह इतर तिघेजण जखमी झाले आहेत. त्यांची अद्याप समजली नाही.

Raj Thackeray : अडीच तास वेटिंग, नाराज सुवर्णपदक विजेता निघून गेला; राज ठाकरेंकडून दिलगिरी, म्हणाले गावित आल्याचं कुणी कळवलंच नाही

आयशर टेम्पो मार्गावर उलटला

खंडाळा महामार्ग पोलिसांनी दिलेल्या माहितीनुसार तुषार भुमकर हा त्यांच्या फॉर्च्यूनर कारने (क्रमांक -एमएच-१४/एमजी-०००७) चार मित्रांसोबत मिसिंग लिंक मार्गावरुन मुंबईकडे जात होता. शुक्रवारी मध्यरात्री एक वाजण्याच्या सुमारास मिसिंग लिंक मध्ये भरधाव वेगात जाणाऱ्या फॉर्च्यूनर कार चालकाचे गाडीवरील नियंत्रण सुटल्याने कार पुढे जाणाऱ्या आयशर टेम्पोला (क्रमांक-एमएच-०१/सीआर-७०७५) मागून जोरात धडकली. हि धडक इतकी भीषण होती की, आयशर टेम्पो मार्गावर उलटला. या भीषण धडकेत तुषार भुमकर याचा जागीच मृत्यू झाला तर फॉर्च्यूनर कारमधील चारजण जखमी झाले असून, यापैकी एकाची प्रकृती चिंताजनक आहे. तसेच आयशर टेम्पो चालकासह एकजण किरकोळ जखमी झाला आहे.

Bhandara Crime : भंडाऱ्यात संतापाचा उद्रेक! चिमुकलीला आमिष देऊन सार्वजनिक शौचालयात नेलं, अत्याचार करताच बालिकेची आरडाओरड; दरवाजा उघडताच भयंकर घडलं

विस्कळित झालेली वाहतूक सुरळीत चालू

अपघाताची माहिती मिळताच खंडाळा महामार्गाचे पोलीस उपनिरीक्षक भिमसेन शिखरे यांनी सहकार्यांसह घटना स्थळी धाव घेत घटनेची पहाणी करून रस्ते विकास महामंडळाच्या यंत्रणेच्या मदतीने कार व टेम्पो मधील जखमींना बाहेर काढून उपचारासाठी नजिकच्या हॉस्पिटलमध्ये ॲम्ब्युलन्स मधून रवाना केले. त्यानंतर क्रेनच्या सहाय्याने दोन्ही अपघातग्रस्त वाहने बाजूला करून विस्कळित झालेली वाहतूक सुरळीत चालू केली. या घटनेचा पुढील तपास लोणावळा ग्रामीण पोलीस करीत आहेत.