बसस्टॉपवर ओळख नंतर अल्पवयीनसोबत दुष्कृत्य

या प्रकरणातील नराधम आरोपीचं नाव मुनाकिब नासिर अन्सारी असं आहे. मुनाकिब हा महाविद्यालयीन विद्यार्थी असल्याचं तपासात समोर आलं आहे. घटनेआधी मुलीची आणि आरोपीची ओळख काही काळापूर्वी बस स्टॉपवर झाली होती. त्यानंतर दोघांमध्ये संवाद सुरू होता.
सिद्धेश्वर एक्सप्रेसमधून साडे पाच कोटींचं सोनं गायब, एसी फर्स्ट क्लासमधून कल्याणदरम्यान घटना उघडकीस; नेमकं काय घडलं?

शाळेत सोडण्याच्या बहाण्याने दुसरीकडेच नेलं

4 डिसेंबर रोजी आरोपीने मुलीला शाळेत सोडण्याचं कारण सांगत तिला दुचाकीवर बसवलं. मात्र, शाळेत न नेता एका एकांत परिसरातील खोलीत घेऊन गेला. तिथे जाऊन त्याने मुलीवर जबरदस्ती केली. अशी माहिती मुलीच्या नातेवाईकांनी नमूद केलेल्या फिर्यादीत दिली आहे.
Maharashtra Weather : राज्यात थंडीचा कडाका वाढला, IMD चा यलो अलर्ट; पुढील काही दिवस कसं असेल हवामान?

घटनेनंतर परिसरात संतापाची लाट, पुण्यातील घटनेने खळबळ

घडलेला प्रकार समजताच मुलीच्या कुटुंबीयांनी तातडीने पोलीस ठाण्यात धाव घेत तक्रार दाखल केली. त्यानंतर विश्रांतवाडी पोलिसांनी तात्काळ कारवाई करत आरोपीविरुद्ध गुन्हा दाखल करून त्याला काही वेळातच अटक केली आहे. याप्रकरणी पुढील तपास सुरू असून आरोपीला कोर्टात हजर करण्यात येणार असल्याची माहिती पोलीस अधिकाऱ्यांनी दिली आहे. या प्रकरणानंतर परिसरात तीव्र संताप व्यक्त केला जात असून अल्पवयीन मुलींच्या सुरक्षेसंदर्भात अधिक काटेकोर उपाययोजना करण्याची मागणी जोर धरु लागली आहे.

दरम्यान, पुण्यात मागील काही वर्षापासून हत्या, हाणामारीसारख्या अनेक घटनांमध्ये मोठ्या प्रमाणात वाढ झाली आहे. भररस्त्यात चाकूहल्ले, अपहरण, हत्येच्या घटना सर्रास समोर येत आहेत. या सततच्या घटनांनंतर पोलिसांचा अशा गुंडावर काही वचक राहिला आहे की नाही असाच प्रश्न सर्वसामान्यांकडून उपस्थित होत आहे.