उद्धव ठाकरे यांचे सरकार पाडणाऱ्या एकनाथ शिंदे यांच्या पक्षाचे नेते….काही दिवसांपूर्वी प्रचारासाठी हेलिकाॅप्टरमधून दोन बॅग घेऊन उतरले होते. त्यात आनंदाचा शिधा होता काय? असा सवाल उपस्थित करत शिवसेना…उद्धव ठाकरे गटाचे नेते आदित्य ठाकरे यांनी एकनाथ शिंदे गटाला धारेवर धरले. मंगळवारी सकाळी व्हायरल झालेल्या व्हिडिओवर ते बोलत होते.विधीमंडळ परिसरात बोलतांना आदित्य ठाकरे म्हणाले…कॅशकांडातील आमदारांचे रोज नवनवीन व्हिडिओ पुढे येताहेत. कुणाचा जमीन घोटाळा आहे. तर कुण्या आमदाराचा मारहाणीचा व्हिडिओ येत आहे.अशात ‘पार्टी विथ डिफरन्सचा’ आव आणणारी, ‘न खाता हू न खाने देता हू’….म्हणणारी भाजपा या भ्रष्टाचाऱ्यांना सत्तेत सहभागी करून घेत आहे.