शुक्रवारी घेतलेल्या एका रिव्ह्यू मीटिंगमध्ये बोलताना सरनाईकांनी ही माहिती दिली. या बैठकीला सरनाईक, महापालिका आयुक्त सौरभ राव, अतिरिक्त आयुक्त प्रशांत रोडे, पोलिस उपायुक्त (वाहतूक) पंकज शिरसाट तसेच टीएमसी, एमएमआरडीए, मेट्रो, पीडब्ल्यूडी, जिल्हाधिकारी कार्यालय आणि इतर विभागांचे वरिष्ठ अधिकारी उपस्थित होते, असे अधिकृत निवेदनात म्हटले आहे.

ठाण्यात वाहतूकीत मोठे बदल! घोडबंदर रोडवर जाणाऱ्या वाहनांची वाहतूक वळवणार; कोणते असतील पर्यायी मार्ग?

घोडबंदरचा होणार कायापालट

यावेळी सरनाईकांनी सांगितले की उपमुख्यमंत्री एकनाथ शिंदे यांनी घोडबंदर परिसरातील विविध प्रकल्पांसाठी भरघोस निधी दिला असून, त्यामध्ये 67 विहिरींचे पुनर्वसन सुरू केले आहे. हे पाणी पीण्यायोग्य करण्याचे निर्देश उपमुख्यमंत्र्यांनी दिल्याने रहिवाशांच्या पाण्याच्या समस्येला मोठा दिलासा मिळणार आहे. तसेच स्मशानभूमींचे आधुनिकीकरण, पाळीव प्राण्यांसाठी समर्पित स्मशानभूमी, बाळासाहेब ठाकरे डिजिटल मत्स्यालय, आणि सकाळी फिरण्यासाठी जॉगिंग ट्रॅक उभारणीची कामेही सुरू आहेत.

सर्व्हिस रोडला नवी डेडलाइन

घोडबंदर रोडला जोडणाऱ्या सर्व्हिस रोडचे काम सध्या वेगाने सुरू असून, एमएमआरडीएला हे काम 15 जानेवारीपर्यंत पूर्ण करण्याचे आदेश सरनाईकांनी दिले आहेत. दरम्यान या कालावधीत नागरिकांना वाहतूक कोंडीचा त्रास कमी व्हावा म्हणून वाहतूक पोलिसांची पाच विशेष पथके तैनात करण्यात आली आहेत.

याशिवाय घोडबंदर रोडवर नागरिकांसाठी एक नवे भव्य नाट्यगृह उभारले जात आहे. सुमारे 7350 चौरस मीटर क्षेत्रफळाचे हे केंद्र, राम गणेश गडकरी रंगयातन आणि काशीनाथ घाणेकर नाट्यगृहानंतर शहरातील तिसरे मोठे नाट्यगृह ठरणार आहे. या नाट्यगृहाचे भूमिपूजन उपमुख्यमंत्री एकनाथ शिंदे यांच्या हस्ते लवकरच होणार आहे.

बैठकीदरम्यान ओवळा-माजिवाडा मतदारसंघातील नागलाबंदर खाडीतील सुशोभीकरण कामे, नवीन खारफुटी उद्याने, उपवन येथे सुरू असलेले आनंद दिघे जिमखाना, अप्पासाहेब धर्माधिकारी भवन, बाबासाहेब आंबेडकर सामाजिक न्याय केंद्र, सी.डी. देशमुख प्रशासकीय प्रशिक्षण इमारत, क्रीडा संकुल, ओपन-एअर थिएटर, ग्रंथालये यांसह इतर अनेक प्रकल्पांचा आढावा घेण्यात आला. घोडबंदर रोडवरील विविध प्रकल्पांची उत्कृष्ट प्रगती पाहून, सरनाईकांनी ठाणे महानगरपालिका आयुक्तांसह सर्व संबंधित विभागातील अधिकाऱ्यांचे विशेष कौतुक केले

लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा