पुण्यातील प्रवाशांना दिलासा! इंडिगो संकटानंतर रेल्वेकडून ‘या’ तीन शहरांसाठी विशेष गाड्या; पाहा संपूर्ण वेळापत्रक

प्रवाशांच्या सोयीसाठी पुणे रेल्वे विभागाकडून बेंगळुरू, हैदराबाद आणि हिसारदरम्यान विशेष गाडी सोडण्यात येणार आहे. गाडी क्रमांक ०६२६४ पुणे-बेंगळुरू स्पेशल गाडी आठ डिसेंबरला दुपारी साडेतीन वाजता पुण्याहून निघेल आणि दुसऱ्या दिवशी सकाळी साडेनऊ वाजता बेंगळुरू येथे पोहोचेल. ही गाडी दौंड, कुर्डुवाडी, सोलापूर, कलबुर्गी, शहाबाद, वाडी, यादगीर, कृष्णा, रायचूर, अडोनी, गुंटकल, अनंतपूर, धर्मावरम, हिंदूपूर मार्गे जाणार आहे.