नगरपरिषद निवडणुकीनंतर कुंभारे यांनी पुण्यातील वादग्रस्त जमीन खरेदीत बावनकुळे यांचा हात असल्याचा आरोप पत्रपरिषदेत केला होता. त्यानंतर बावनकुळे यांनी त्यांना मानहानीची नोटीस बजावत दिलगिरी व्यक्त करण्याची मागणी केली होती. त्याला कुंभारे यांनी रविवारी प्रत्युत्तर दिले. ‘मी नोटीसची वाट बघत आहे. मला नोटीस मिळाल्यास त्याचे उत्तर देणार. माझी लढाई कामठी नगरपरिषद निवडणुकीत भाजप उमेदवाराकडून मतचोरीसाठी झालेल्या गंभीर प्रकाराविरुद्ध आहे.

Nagpur Winter Session: विरोधकांचा चहापानावर बहिष्कार; सरकार संविधानविरोधी असल्याचा महाविकास आघाडीचा आरोप
भाजप उमेदवारांकडून आचारसंहितेचे उल्लंघन केले असल्याने त्याविरुद्ध आवाज उठवायचा आम्हाला लोकशाहीत अधिकार आहे. गैरप्रकाराबाबत कोणताही एफआयआर दाखल न करण्यासाठी सत्तेचा दुरुपयोग भाजप नेत्यांकडून करण्यात आला. याविरोधात बावनकुळे कधी बोलणार? फार्महाउसवर आक्षेपार्ह साहित्य, बोगस मतदार, बोटाची शाई मिटवणारे द्रव्य निवडणूक अधिकारी व पोलिस प्रशासनाने जप्त केले हा प्रकार जर बावनकुळेंना मान्य असेल तर आम्ही समजू की, या मतचोरीला महसूलमंत्री बावनकुळेंचे राजकीय संरक्षण आहे’, असेही कुंभारे यांनी निवेदनात म्हटले आहे.

Nagpur Winter Session: उपराजधानीत घातपाताची शक्यता; गुप्तचर यंत्रणांचा इशारा, पोलिस यंत्रणा हायअलर्टवर
पुण्याचा जमीन घोटाळा महसूल खात्यांतर्गत येतो. यासंदर्भात मी केलेल्या विधानावर ठाम आहे. मुख्यमंत्री देवेंद्र फडणवीस यांनी महसूलमंत्री चंद्रशेखर बावनकुळे यांचा राजीनामा घेतला पाहिजे, अशीही मागणी करणार असल्याचे कुंभारे यांनी या निवेदनात केली आहे.